Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazan aıynda kómir, gaz jáne dızel erekshe qymbattaǵan

2021 jyldyń 11 qarasha 2021 19:21

NUR-SULTAN. QazAqparat – Ulttyq bank qazan aıynda qymbattaǵan azyq-túlikke jatpaıtyn taýarlardyń tizimin jarııalady, dep habarlaıdy QazAqparat tilshisi.

«Azyq-túlikke jatpaıtyn taýarlardyń aılyq ınflıatsııaǵa qosqan úlesi qazan aıynda 0,25 paıyz boldy. Oǵan sebep bolǵan negizgi faktorlardyń biri – dızel janarmaıynyń qymbattaýy. Qazan aıynda dızel baǵasy 16,6% qymbattady. Ásirese, Aqmola (25,9%) jáne Pavlodar (24,9%) oblystarynda baǵa qatty ósti. Eń tómen ósim boldy degen Qyzylorda oblysynyń ózinde dızel quny 11,6% qymbattady. Jalpy janarmaı baǵasy el boıynsha 0,9% ósti», -dep jazylǵan Ulttyq bank saraptamasynda.

Ulttyq bank saıtyndaǵy málimet boıynsha, qazan aıynda aqyly qyzmetterdiń baǵasy da ınflıatsııany údetken.

«Bir aıdaǵy baǵanyń ósý deńgeıi 0,5% boldy. Óńirlerdiń kóbinde suıytylǵan gaz qymbattady. Bul taýardyń baǵasy respýblıka boıynsha 6,4% qymbattady. Ásirese Almaty (15,6%), Shyǵys Qazaqstan (14,7%) jáne Aqmola (14,0%) oblystaryna qymbatshylyq qarqyny joǵary. Nur-Sultan qalasy men Qaraǵandy oblysynda elektr energııasyna tarıftiń kóterildi (8,5% jáne 5,3%). Al kómir respýblıka boıynsha 2,1% qymbattady. Ásirese Qaraǵandy oblysynda baǵa qatty artty (9,5%). Al Pavlodar jáne Qostanaı oblystarynda ortalyqtandyrylǵan jylý tarıfi 6,3% jáne 3,1% tómendedi», - dep jazady Ulttyq banktiń baspasóz qyzmeti.


Joǵary qaraı