Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazba baılyq saýdasynan túsetin qarajatty adamı kapıtaldy damytýǵa baǵyttaý qajet - Meıram Begentaev

2020 jyldyń 14 qazan 2020 09:58

NUR-SULTAN. QazAqparat – Tabıǵı qazba baılyqtardyń saýdasynan túsetin qarajatty adamı kapıtaldy damytýǵa baǵyttaǵaý kerek. Mundaı pikirdi S. Toraıǵyrov atyndaǵy Pavlodar memlekettik ýnıversıtetiniń rektory, ekonomıka ǵylymdarynyń doktory, dotsent Meıram Begentaev bildirdi, dep habarlaıdy QazAqparat tilshisi.

«Biz búgin bolashaq damý negizin qalaý úshin tabıǵı qazba baılyqtardyń saýdasynan túsken kiristerdi tıimdi paıdalanýymyz kerek. Onyń esebinen adamı kapıtaldy damytý qajet. Bul iske Prezıdent Qasym-Jomart Toqaev bıylǵy Qazaqstan halqyna arnaǵan Joldaýynda erekshe kóńil bóldi.

Osyǵan baılanysty joǵary bilim berý oryndaryń qyzmeti básekege qabiletti kadrlar daıarlaýdan bólek, kásipkerlerdiń jańa tolqynyn qalyptastyrýǵa baǵyttalady. Prezıdent tapsyrmasyna sáıkes, «Kásipkerlik negizderi» páni Mektepten - JOO-ǵa deıin bilim berýdiń barlyq deńgeıinde oqytylýy kerek. Memleket basshysynyń sózderi S. Toraıǵyrov ýnıversıtetiniń alǵa qoıǵan damý strategııasyna qoldaý jáne osy baǵyttaǵy jobalardy júzege asyrýda qosymsha jaýapkershilik júkteıdi», - dedi Meıram Begentaev.

Rektor Joldaýda aıtylǵan el ekonomıkasyn sheteldik ınvestıtsııalar esebinen turaqtandyrý bastamasyna qatysty pikir bildirdi.

«Sheteldik ınvestıtsııa – ekonomıkamyzdyń básekege qabilettiligin arttyrýdyń bir joly. Degenmen, biz ınvestıtsııa ekonomıkalyq jáne qarjylyq táýeldilikke aparmas úshin senimdi seriktesti durys tańdaýymyz kerek. Basqa jaǵynan qarasaq, pandemııa iri jumys berýshilerge qatysty damyǵan memleketter kommertsııalyq kásiporyndardyń qyzmetin memlekettik bıýdjetten qarjylandyrmaý sekildi burynǵy mindettemelerinen ońaı bas tartýy múmkin ekenin kórsetti. Sondyqtan seriktesterimizge qatysty ıllıýzııaǵa boı aldyrmaı, tek ózimizge senýimiz kerek. Ózimizdiń qabilet-qarymymyzǵa qaraı artyqshylyqtarymyzdy damytý mańyzdy. Sonda eńbekti bólýdiń halyqaralyq naryǵynan barynsha paıda kóremiz», - dep pikir bildirdi Meıram Begentaev.

Eske sala keteıik, koronavırýs indetine baılanysty elimizde qoıylǵan shekteý sharalary birtindep alynyp, el ekonomıkasynyń barlyq salasynda ósim tirkele bastady. Bul týraly qańtar-qyrkúıek aılaryndaǵy áleýmettik-ekonomıkalyq damý qorytyndylary baıandalǵan Úkimettiń selektorlyq otyrysy barysynda málim boldy.



Joǵary qaraı