Qazgıdromet: Qazaqstannyń soltústiginde 40 gradýs aıaz bolady

NUR-SULTAN. QazAqparat - Qazaqstan terrıtorııasynyń basym aımaqtary atmosferalyq frontaldy bólikterdiń áserinde bolǵandyqtan turaqsyz aýa raı saqtalady, qar jaýady, respýblıkanyń batysynda jaýyn-shashyn kútiledi. Respýblıka boıynsha keı jerlerde tuman, kóktaıǵaq, jaıaý burqasyn, jeldiń kúsheıýi saqtalady, dep habarlaıdy Qazgıdromet.

Almaty, Qyzylorda, Mańǵystaý, Atyraý, Batys Qazaqstan, Soltústik Qazaqstan oblystarynyń keı jerlerinde tuman kútiledi, Atyraý oblysynda – kóktaıǵaq, Mańǵystaý oblysynda kúndiz jel 15-20 m/s-ǵa deıin kúsheıedi.

Aqtóbe oblysynyń keı jerlerinde jaıaý burqasyn, kóktaıǵaq kútiledi.

Jambyl, Túrkistan oblystarynyń keı jerlerinde tuman, jaıaý burqasyn, jel 15-20 m/s, Jambyl oblysynda túnde ekpini 23-28 m/s kútiledi.

Shyǵys Qazaqstan, túnde Qaraǵandy, kúndiz Qostanaı oblystarynyń keı jerlerinde jaıaý burqasyn kútiledi, jel 15-20 m/s kúsheıedi, Qostanaı, Qaraǵandy oblystarynyń keı jerlerinde tuman kútiledi.

Soltústik Qazaqstan, Pavlodar oblystarynda, Qostanaı oblysynyń soltústiginde 40 gradýs qatty aıaz kútiledi.