Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazgıdromet: Qyrkúıektiń 15-i kúngi aýa raıy boljamy

2021 jyldyń 15 qyrkúıek 2021 06:00

NUR-SULTAN. QazAqparat – «Qazgıdromet» RMK-sy qyrkúıektiń 15-i kúngi aýa raıy boljamyn jarııalady, dep habarlaıdy QazAqparat.

QR basym bóliginde, antıtsıklonnyń áserinen kún jaýyn-shashynsyz bolady. Atmosferalyq frontaldy bólikterdiń ótýimen Qazaqstan Respýblıkanyń soltústik, soltústik-batys, batys jáne ońtústiginde jańbyr jaýyp, naızaǵaı oınaıdy. Kúndiz respýblıkanyń soltústik, soltústik-batys, batys, ońtústik-shyǵys, ońtústik-batysynda jel kúsheıedi.

Kúndiz Batys Qazaqstan oblysynyń basym bóliginde jeldiń jyldamdyǵy sekýndyna 15-20 metrge jetedi.

Kúndiz Aqmola oblysynyń batysynda, Qostanaı oblysynyń soltústik-batysynda naızaǵaı oınap, jeldiń dyldamdyǵy sekýndyna 15-20 metrge jetedi.

Túnde Qyzylorda oblysynyń soltústiginde naızaǵaı oınap, kúndiz jeldiń jyldamdyǵy sekýndyna 15-20 metrge jetedi. Kúndiz Soltústik Qazaqstan oblysynyń ońtústiginde, Jambyl oblysynyń soltústik-shyǵys, ońtústik-batysynda jel 15-20 m/s jyldamdyqpen uıtqıdy.

Túnde Qaraǵandy, Shyǵys Qazaqstan oblystarynyń soltústik-shyǵysynda 3 gradýs úsik júredi.

Almaty, Jambyl, Túrkistan, Qyzylorda, Mańǵystaý, Atyraý, Aqtóbe oblystarynyń basym bóliginde, Qostanaı, Qaraǵandy oblystarynyń soltústik-batys jáne batysynda, Batys Qazaqstan oblysynyń soltústik-shyǵys jáne ońtústiginde, Shyǵys Qazaqstan oblysynyń ońtústiginde, Pavlodar oblysynyń ortalyǵynda, Aqmola oblysynyń soltústik-batysynda tótenshe órt qaýipi saqtalady.


Basty sózder: Aýa raıy, Qazgıdromet,
Joǵary qaraı