Aýa raıy
Astana 11 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Qazgıdromet: Qyrkúıektiń 25-i kúngi aýa raıy boljamy

2020 jyldyń 25 qyrkúıek 2020 06:00

NUR-SULTAN. QazAqparat – «Qazgıdromet» RMK-sy qyrkúıektiń 25-i kúngi aýa raıy boljamyn jarııa etti, dep habarlaıdy QazAqparat.

Kásiporyn taratqan málimetterge qaraǵanda, qyrkúıektiń 25-i kúni respýblıkanyń soltústigi men shyǵysynda atmosferalyq aǵyndardyń ótýine baılanysty aýa raıy qubylmaly bolady.

Respýblıka boıynsha keı jerlerde jaýyn jaýyp, tuman túsip, jel kúsheıedi, ońtústikte shańdy daýyl turady.

Qyzylorda oblysynda jel kúsheıip, túnde keı jerlerde sekýndyna 15-20 metr jyldamdyqpen, kúndiz basym bóliginde 15-20 metr jyldamdyqpen jel soǵyp, ekpini 23-28 m/s-ke jetedi. Respýblıkanyń keı jerlerinde shańdy daýyl turady.

Soltústiq Qazaqstan, Shyǵys Qazaqstan oblystarynda jel 15-25 m/s jyldamdyqpen uıtqıdy. Túnde jáne tańerteń keı jerlerge tuman túsedi.

Pavlodar, Qaraǵandy, Aqmola, Qostanaı oblystarynyń keı jerlerine de tuman túsedi.

Aqmola oblysynyń keı jerlerinde jeldiń jyldamdyǵy sekýndyna 15-20 metrge jetedi.

Kúndiz Atyraý, Túrkistan oblystarynyń keı jerlerinde jel 15-20 m/s jyldamdyqpen uıtqıdy.

Túrkistan oblysynda shańdy daýyl turady.

Qyzylorda oblysynyń keı jerlerinde topyraq betinde 1-3 gradýs úsik júredi.

Qyzylorda, Túrkistan oblystarynyń basym bóliginde, Qaraǵandy, Aqtóbe, Jambyl oblystarynyń keı jerlerinde tótenshe órt qaýpi saqtalady.


Basty sózder: Qazgıdromet, Aýa raıy, Qoǵam,
Joǵary qaraı