Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«QazMunaıGaz», «Eır-Astana» men «Qazaqgaz» IPO-ǵa shyǵarylady - Álıhan Smaıylov

2022 jyldyń 21 qańtar 2022 19:22

NUR-SULTAN. QazAqparat – «Samuryq-Qazyna» qory quramyndaǵy 40 kásiporyn jekeshelendiriledi, dep habarlaıdy QazAqparat tilshisi.

Bul týraly QR Premer-Mınıstri Álıhan Smaıylov QR Prezıdenti Qasym-Jomart Toqaevtyń iri bıznes ókilderimen kezdesýinde aıtty.

«Bıyl jáne kelesi jyly QazMunaıGaz, Eır-Astana, Qazaqgaz sııaqty kompanııalardy IPO-ǵa shyǵarý josparlanyp otyr.

Jalpy, osy kezeńde «Samuryq-Qazyna» holdınginiń shamamen 40 kásiporynyn jekeshelendirý josparda bar. Olardyń tizimi jaqyn arada ashyq kózderde jarııalanady», - dedi Úkimet basshysy.

Premer-Mınıstrdiń aıtýyna qaraǵanda, Prezıdent tapsyrmasynyń aıasynda «Samuryq-Qazyna» qorynyń tıimdiligi men ashyqtyǵyn arttyrý, otandyq bıznesti uzaq merzimdi offteık-kelisimsharttar arqyly qoldaý sharalaryn qyzmetin reformalaýdyń joldary ázirlenip jatyr.

«Qor ekonomıkanyń basym baǵyttaǵy salalaryna memleket atynan jumys isteıtin seriktes retinde jeke ınvestıtsııalardy tartýǵa yqpal etetin bolady», - dedi Álıhan Smaıylov.

Eske salsaq, atalmysh kezdesýde Memleket basshysy «Samuryq-Qazyna» qorynyń basshysyna sońǵy múmkindik bergenin málim etti.


Joǵary qaraı