Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qazposhta» 163 mln teńgeni tıimsiz jumsaǵan - Esep komıteti

2021 jyldyń 15 qazan 2021 00:29

NUR-SULTAN. QazAqparat - Respýblıkalyq bıýdjettiń atqarylýyn baqylaý jónindegi esep komıtetiniń kezekti otyrysynda «Qazpochta» AQ aktıvterin basqarý tıimdiligine júrgizilgen aýdıttiń qorytyndysy qaraldy. Bul jaıynda Esep komıtetiniń resmı saıtyna silteme jasap QazAqparat habarlaıdy.

Otyrysqa beınekonferentsııa rejıminde Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrliginiń, «Qazpochta» AQ ókilderi qatysty.

«Qazpochta» AQ - ulttyq poshta operatory.

Qoǵam eldegi 3024 óndiristik obektisi bar eń úlken fılıaldyq jelige ıelik etedi, onyń ishinde ortalyq operatsııalyq ýchaskiler – 187, poshta baılanysynyń statsıonarlyq bólimshesi – 2 026, poshta baılanysynyń pýnktteri – 508, poshta baılanysyń jyljymaly bólimshesi - 106, tólemderdi qabyldaý pýnkteri – 197.

Qazirgi zamanǵy poshta baılanysy el ekonomıkasyn damytýǵa eleýli úles qosady jáne aýyldyq jerlerde neǵurlym qajetti áleýmettik mańyzy bar qyzmetterdi kórsetýde ekonomıkalyq jáne áleýmettik júktemeni alyp júredi.

Budan basqa, 2018 jyldan 2020 jylǵa deıingi kezeńge júrgizilgen aýdıt qorytyndylary boıynsha birqatar anyqtalǵan problemalar bar.

Atap aıtqanda, «Qazpochta» AQ qyzmettiń túıindi strategııalyq kórsetkishterin oryndamaǵan. Máselen, 2018 jyly QTK 29% (7 kórsetkishtiń 2), 2019 jyly 72% (7 kórsetkishtiń 5) jáne 2020 jyly qyzmettiń túıindi kórsetkishteriniń 86% (7 kórsetkishtiń 6) qol jetkizilmegen.

Sońǵy 3 jylda «Qazpochta» AQ Dúnıejúzilik poshta odaǵynyń reıtıngisinde júıeli túrde tómen túsýde (2017 jyly - 46 oryn, 2018 jyly – 49 oryn, 2019 jyly – 52 oryn).

«Qazpochta» AQ-nyń reıtıngtegi tómendeý qarqynyn eskere otyryp, Dúnıejúzilik poshta odaǵynyń nusqasy boıynsha 20 jetekshi poshta kompanııalarynyń qataryna kirý qoıylǵan maqsatyna qol jetkize almaý táýekeli bar.

2017 jyldan bastap «Qazpochta» AQ-nyń aýyldyq jerde baılanystyń ámbebap qyzmetterin kórsetýden bolǵan shyǵyndary sýbsıdııalanýda.

Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrligi «Qazpochta» AQ-nyń paıdasyna negizdelmegen sýbsıdııalar tóleýge ákep soqqan buzýshylyqtarǵa jol berdi. Osylaısha, qalalyq jerde jazylý boıynsha merzimdi baspasóz basylymdaryn taratý jónindegi qyzmetterdi kórsetý kezinde shyǵyndar ótelgen.

Túrkistan qalasynda bir jyl buryn salynǵan jáne paıdalanýǵa berilgen quny 1 mlrd. teńge bolatyn Tsıfrlyq ofıs ǵımaraty qazirgi ýaqytta paıdalanylmaıdy.

Ǵımarat tolyq daıyn bolmaı jáne jobalyq-smetalyq qujattamaǵa sáıkessizdikte paıdalanýǵa qabyldandy..

Memlekettik aýdıt nátıjesi boıynsha 163,9 mln teńge somasyna qarjylyq buzýshylyqtar, onyń ishinde býhgalterlik eseptilik boıynsha 0,6 mln teńge somasyna, tıimsiz josparlaý - 678,3 mln teńge, tıimsiz paıdalaný - 47,4 mln teńge, 6,9 mln teńge somasyna ekonomıkalyq shyǵyndar, sondaı-aq 32 rásimdik buzýshylyq faktisi jáne 2 júıeli jetispeýshilik anyqtaldy..

Otyrys qorytyndysy boıynsha Esep komıteti Úkimetke, Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrligine normatıvtik quqyqtyq aktilerdi jetildirý, aktıvterdi basqarýdyń, bıýdjettik sýbsıdııalardy basqarý men paıdalanýdyń tıimdiligin qamtamasyz etý boıynsha tıisti usynymdar berdi.

«Qazpochta» AQ-na anyqtalǵan buzýshylyqtardy joıý, salalyq zańnama talaptaryn saqtaýdy qamtamasyz etpegen laýazymdy tulǵalardyń jaýapkershigin qaraý boıynsha tapsyrmalar berildi.

Ákimshilik quqyq buzýshylyqtar týraly isterdi qaraýǵa ýákiletti organdarǵa 2 materıal jiberildi.


Avtor Janat Qapalbaeva
Basty sózder: Qarjy, Bıýdjet,
Joǵary qaraı