Aýa raıy
Astana -14 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

QAZTEST júıesin qoǵamnyń ártúrli salasynda engizý qajet – Jamalaıl Elımhanov

2020 jyldyń 22 qazan 2020 14:11

NUR-SULTAN. QazAqparat – Jumysqa turý barysynda mindetti túrde memlekettik tildi bilý deńgeıi eskerilýi tıis. Bul týraly «Uly dalanyń ultaralyq tili» respýblıkalyq forýmynda Aqtaý qalasyndaǵy «Emır-Oıl» JShS dırektory Jamalaıl Elımhanov aıtty, dep habarlaıdy QazAqparat tilshisi.

«Mańǵystaýda orys tilin jetik meńgergen qazaq basqa etnos ókilin kórgen bette áńgimeni aldymen qazaq tilinde bastaıdy. Ózge ult ókili oryssha jaýap bergenniń ózinde de, qazaq tilin túsinedi degen sóz. Sol sebepti meniń jerlesterim áńgimeni ári qaraı qazaqsha jalǵastyrady. Osylaısha ol ózge etnos ókiline qazaq tilin úırenýge túrtki bolady. Biz, qazaq halqy jáne ózge etnos ókilderi, memlekettik tildi úırengisi keletin jandarǵa osylaı kómektesýimiz kerek. Olarmen qazaqsha sóıleseıik Bul olardyń til úırenýge zor yntasyn týdyrady dep senemin», - deıdi Jamalaıl Elımhanov.

Ol búgingi kúni qazaq tilin úırengisi keletin adam úshin barlyq jaǵdaı jasalǵandyǵy týraly aıtty.

«Qazaq tilin meńgerý deńgeıin baǵalaýdyń QAZTEST júıesin qoǵamnyń ártúrli salasynda engizý qajet. Jumysqa turý barysynda mindetti túrde memlekettik tildi bilý deńgeıi eskerilýi tıis. Memlekettik tildi bilmeıtin qyzmetker qansha jerden myqty maman bolsa da, memlekettik qyzmet atqarýǵa qaqysy joq dep esepteımin. Men ózim qazaq tilin 25 jasymda ǵana úırene bastadym. Eger men qazaq tilin úırenip alsam, onda kez-kelgen adam da meńgere alady degen sóz», - deıdi ol.


Joǵary qaraı