Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

QazUÝ - ISESKO: COVID-19-ǵa qarsy birlesken kúres

2020 jyldyń 15 shilde 2020 14:55

NUR-SULTAN. QazAqparat - Ál-Farabı atyndaǵy QazUÝ - BUU-nyń Turaqty damý boıynsha «Akademııalyq yqpal» baǵdarlamasynyń jahandyq haby, koronavırýspen kúresý jónindegi jobany júzege asyrý úshin Bilim, ǵylym jáne mádenıet jónindegi dúnıejúzilik ,ıslam uıymynyń (ISESCO) grantyna ıe boldy.

ISESKO pandemııa bastalǵanda uıymǵa múshe elderdiń ýnıversıtetteri arasynda COVID-19-ben kúresýge baǵyttalǵan halyqaralyq ǵylymı jáne tehnologııalyq jobalardyń baıqaýyn ótkizdi.

QazUÝ jobasy úzdik jobalardyń biri retinde tanylyp, qarjylandyrý úshin tańdaldy. Ol ámbebap antıseptıkter men dezınfektsııalyq quraldardyń jańa túrin shyǵarýǵa baǵyttalǵan. Jaqynda iske qosylýy josparlanǵan óndiristi jabdyqtaýǵa arnalǵan quraldardyń bir bóligi ISESKO bólip otyrǵan qarjy resýrstaryna satyp alynady.

QazUÝ-dyń hımıkteri jasaǵan natrıı gıpohlorıtine negizdelgen antıseptıkter elektrohımııalyq ádispen shyǵarylyp, medıtsınalyq, kommýnaldyq jáne turmystyq salalarda keń qoldanys tabady. Dezınfektsııalyq quraldardyń sózsiz artyqshylyǵy – bul olardyń sheteldik analogtardan áldeqaıda tómen quny, óıtkeni óndiriste qazaqstandyq shıkizat qoldanylady. Óndiriste, sonymen qatar, QazUÝ ǵalymdarynyń patenttelgen ázirlemeleri, onyń ishinde ózindik qundy edáýir tómendetetin turaqty oksıd-rýtenıı tıtan anodtary paıdalanylady.

Joba nátıjesinde alynǵan dezınfektsııalyq qural ýnıversıtet ǵımarattaryn óńdeýge qoldanylyp, stýdentter men qyzmetkerlerge, sonymen qatar, ózge de muqtaj áleýmettik toptarǵa taratylady.

Shtab-páteri Rabatta (Marokko) ornalasqan ISESKO – Islam yntymaqtastyq uıymynyń qurylymy. Onyń qyzmeti bilim, ǵylym, mádenıet jáne jańa tehnologııalardy damytýǵa, sondaı-aq, osy baǵytta IYU elderi arasyndaǵy yntymaqtastyqtyń aıasyn keńeıtýge baǵyttalǵan.





Basty sózder: Koronavırýs, JOO-lar, Bilim,
Joǵary qaraı