Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazyǵurtta 2 áıel jergilikti turǵyndy tapa-tal túste tonaǵan

2022 jyldyń 13 mamyr 2022 18:36

QAZYǴURT. QazAqparat – Túrkistan oblysynyń Qazyǵurt aýdanynda beıtanys 2 áıel jergilikti turǵynnyń basyn aınaldyryp, altyndary men aqshasyn alyp ketken, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.

Baspasóz qyzmetiniń málimetterine qaraǵanda, belgisiz eki áıel jergilikti turǵyndardyń biriniń úıine kelip, «úıińde dýa bar, sony tazalap beremiz» degen jeleýmen onyń basyn aınaldyryp, moınyndaǵy altyn alqasy men saýsaǵyndaǵy altyn saqınasyn, 100 myń teńgeden astam aqshasyn alyp ketken.

Olar ketken boıda esin jınaǵan áıel, birden polıtsııaǵa habarlasqan. Polıtseıler jábirlenýshiniń aıtqan belgileri boıynsha jedel izdestirý sharalaryn qolǵa alyp, kúdiktiler minip ketken kólikti qýyp, toqtatqan. «Lada Prıora» kóliginiń ishinde bes áıel bolǵan. Olardyń barlyǵy polıtseıdi kórgen boıda dalaǵa qaraı qasha jónelgen. Biraq tártip saqshylary barlyǵyn túgel ustady.

«Jergilikti turǵyndy aldaǵan eki áıelden altyndar men aqsha aıǵaqty zat retinde alyndy. Ustalǵan bes áıelden de jaýap alyndy. Olardy tekserý kezinde Ózbekstan Respýblıkasynyń turǵyndary ekendigi anyqtaldy. Atalǵan jaıt Qazyǵurt APB-ǵa QR QK-niń 190-baby «Alaıaqtyq» boıynsha tirkeýge alynyp, sotqa deıingi tergep-tekserý amaldary júrgizilýde. Polıtseıler olardyń Túrkistan oblysyndaǵy basqa da qylmystyq áreketterge qatysy bar-joǵyn tekserip jatyr»,- delingen habarlamada.


Joǵary qaraı