Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Qazyǵurtta aǵaıyndy eki jigit jergilikti turǵyndy uryp-soǵyp, polıtseılerge qarsylyq kórsetken

2020 jyldyń 30 qyrkúıek 2020 00:15

QAZYǴURT. QazAqparat - Túrkistan oblysynda aǵaıyndy eki jigit jergilikti turǵyndy uryp-soǵyp, uıaly telefonyn tartyp alǵan. Oqıǵa ornyna jetken polıtseılerge qarsylyq kórsetken, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, keleńsiz jaǵdaı Qazyǵurt aýdanynda bolǵan. Jergilikti turǵyn kóshe boıynda ketip bara jatqanda belgisiz bireýler tıisken. Olar ózara daýlasyp, sózge kelip qalǵan.

Sodan kúdiktiniń biri jábirlenýshige bir-eki soqqy berip, ol polıtseılerdi shaqyrtqan. Oqıǵa ornyna jedel jetken ýchaskelik polıtseıler kúdiktilerdiń jeke-basyn anyqtap, meken-jaılary arqyly tapqan.

Buzaqylyq jasaǵan aǵaıyndylar tártip saqshylaryna túrli balaǵat sózderdi aıtyp, zańdy talaptarǵa baǵynǵysy kelmegen. Ózderiniń dóreki minezin kórsetýin jalǵastyryp, tipti ýchaskelik polıtsııa qyzmetkeriniń birine kúsh qoldanǵan. Ony uryp-soqqany anyqtaldy.

«Kúdikti aǵasy men inisine QR QK 380-baby - «Bılik ókiline qatysty kúsh qoldaný» jáne 378-baby - «Bılik ókilin qorlaý» boıynsha qylmystyq is qozǵaldy. Ekeýi de qamaýǵa alynyp, búginde sottyń qaýlysymen kepilmen bosatylǵan. Qazirgi tańda tergeý amaldary júrgizilýde» delingen habarlamada.


Avtor Aınur Aqbaeva
Basty sózder: Oqıǵa, Zań, Túrkistan oblysy,
Joǵary qaraı