Aýa raıy
Astana -14 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Kedendik baj salyǵynsyz quny 200 eýrodan, salmaǵy 31 keliden aspaıtyn sálemdeme alýǵa bolady

2020 jyldyń 14 qazan 2020 17:43

NUR-SULTAN. QazAqparat – QR Qarjy mınıstrliginiń Memlekettik kirister komıteti halyqaralyq poshtamen jiberiletin jeke paıdalanýǵa arnalǵan taýarlardy bajsyz ákelý normalary týraly málim etti, dep habarlaıdy QazAqparat tilshisi.

Bul normalar Eýrazııalyq ekonomıkalyq komıssııa Keńesiniń 2017 jylǵy 20 jeltoqsandaǵy № 107 «Jeke paıdalanýǵa arnalǵan taýarlarǵa qatysty keıbir máseleler týraly» sheshimimen aıqyndalǵan.

Osylaısha, kedendik baj salyǵyn tólemeı-aq, Qazaqstan azamattary quny 200 eýrodan aspaıtyn jáne salmaǵy 31 keliden aspaıtyn sálemdemeler ala alady. Belgilengen normalardan asqan jaǵdaıda, qunnan 15% mólsherde, biraq qundyq nemese salmaq normalarynan asyp ketken salmaqtyń ár kelisi úshin 2 eýrodan kem emes mólsherde kedendik tólemder talap etiledi.

2020 jyldyń 1 qańtarynan bastap baj salyǵyn tóleý úshin árbir jeke sálemdemeniń salmaǵy men quny negizge alynady. Mysaly, sheteldik ınternet-dúkende tapsyrys berilgen, quny 300 evro bolatyn sálemdemege jolaýshynyń kedendik deklaratsııasyn tapsyrý qajet, sondaı-aq qundyq normasynan asyp ketý qunyna 15% mólsherinde kedendik bajdardy tóleý kerek (ıaǵnı, 100 eýrodan 15%). A eger sálemdeme quny 200 eýrodan tómen bolsa, biraq onyń salmaǵy 35 keli bolsa (ıaǵnı, salmaq normasynan 4 keli artyq), onda 4 keli salmaǵy kedendik baj salyǵyna jatady.

Halyqaralyq poshta arqyly jiberilgen jeke paıdalanýǵa arnalǵan taýarlar kedendik deklaratsııalaýǵa jatady. Halyqaralyq poshta arqyly jiberilgen taýarlardy kedendik deklaratsııalaý kezinde Dúnıejúzilik poshta odaǵynyń aktilerinde kózdelgen qujattar jáne olarǵa ilespe halyqaralyq jóneltilimder (CN 22, CN 23, CP 71, CP 72, E1) jolaýshynyń kedendik deklaratsııasy retinde paıdalanylýy múmkin.

Halyqaralyq poshta arqyly jiberiletin jeke paıdalanýǵa arnalǵan taýarlardyń quny Dúnıejúzilik poshta odaǵynyń aktilerinde kózdelgen jáne osyndaı halyqaralyq poshta jóneltilimderimen birge júretin qujattarda málimdeledi. Bul rette, halyqaralyq poshta jóneltiliminiń málimdelgen quny, eger ol Dúnıejúzilik poshta odaǵynyń aktilerinde kózdelgen qujattarda kórsetilgen jeke paıdalanýǵa arnalǵan taýarlar qunynan asyp ketse ǵana jeke paıdalanýǵa arnalǵan taýarlardyń quny bolyp sanalady. Jeke paıdalanýǵa arnalǵan taýarlardyń qunyna kólik jáne saqtandyrý shyǵyndary kirmeıdi.

Halyqaralyq poshta aıyrbastaý oryndarynda (mekemelerinde) saqtalǵan halyqaralyq poshta jóneltilimderi úshin ýaqytsha saqtaý merzimi alty aıdy quraıdy.

Eýrazııalyq ekonomıkalyq komıssııa keńesiniń 2017 jylǵy 20 jeltoqsandaǵy № 107 «Jeke paıdalanýǵa arnalǵan taýarlarǵa qatysty keıbir máseleler týraly» sheshimine (№1 qosymsha) sáıkes, jeke paıdalanýǵa arnalǵan taýarlardy bajsyz ákelý normalaryn odan ári tómendetý qarastyrylmaǵanyn eskerý qajet.

Eýrazııalyq ekonomıkalyq odaqtyń Keden kodeksiniń 2-baby 1-tarmaǵynyń 47-tarmaqshasyna sáıkes, halyqaralyq poshta jóneltilimderi - Dúnıejúzilik poshta odaǵynyń (budan ári - DPO) aktileri boıynsha poshta almasý obektileri bolyp tabylatyn, DPO aktilerinde kózdelgen qujattar ilestire beriletin, halyqaralyq poshta almasý oryndarynan (mekemelerinen) EAEO kedendik aýmaǵynyń sheginen tysqary jiberiletin ne EAEO kedendik aýmaǵyna halyqaralyq poshta almasý oryndaryna (mekemelerine) kelip túsetin ne EAEO kedendik aýmaǵy arqyly tranzıtpen júretin sálemdemeler jáne jazbasha hat-habar.

Halyqaralyq poshta jóneltilimderiniń joǵalýy, búlinýi, halyqaralyq poshta jóneltilimderine salynǵan zattardyń jetispeýi, halyqaralyq poshta jóneltilimderiniń jetkizilmeýi nemese jiberilmeýi úshin Dúnıejúzilik poshta konventsııasynyń erejelerine sáıkes poshta ákimshilikteri jaýapty.

DPO-ǵa múshe elder aýmaǵynda poshta baılanysynyń qyzmetterin kórsetetin uıymdar poshta operatorlary bolyp tabylady. Qazaqstan Respýblıkasynda mundaı operator - «Qazposhta» aktsıonerlik qoǵamy.

Sálemdemeniń qaıda ekenin «Qazposhta» AQ-nyń www.post.kz resmı saıtynan kórýge bolady (sálemdeme Qazaqstan Respýblıkasynyń shekarasynan ótken sátten bastap baqylanady).

Aıta ketken jón, halyqaralyq poshta arqyly jiberilgen jeke paıdalanýǵa arnalǵan taýarlardy Eýrazııalyq ekonomıkalyq odaqtyń kedendik shekarasy arqyly ótkizý tártibi Eýrazııalyq ekonomıkalyq odaqtyń Keden kodeksiniń 37 jáne 40-taraýlarymen, Keden odaǵy komıssııasynyń 2010 jylǵy 18 maýsymdaǵy № 310 «Dúnıejúzilik poshta odaǵynyń aktilerinde kózdelgen qujattardy kedendik deklaratsııa retinde paıdalaný tártibi týraly nusqaýlyqty bekitý týraly» sheshimimen, Eýrazııalyq ekonomıkalyq komıssııa keńesiniń «Jeke paıdalanýǵa arnalǵan taýarlarǵa qatysty keıbir máseleler týraly» 2017 jylǵy 20 jeltoqsandaǵy № 107 Sheshimimen aıqyndalǵan.


Joǵary qaraı