Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

KEGOC kompanııasynyń basshysy qyzmetinen ketti

2021 jyldyń 25 qarasha 2021 00:15

NUR-SULTAN. QazAqparat - 24 qarashada «KEGOC» AQ Aktsıonerleriniń kezekten tys jalpy jınalysy ótti. Baqytjan Qajıevtyń óz usynysymen «KEGOC»AQ Basqarma tóraǵasy jáne Dırektorlar keńesiniń múshesi retindegi ókilettigi merziminen buryn toqtatyldy, dep habarlaıdy QazAqparat kompanııa saıtyna silteme jasap.

«KEGOC» AQ Aktsıonerleriniń kezekten tys jalpy jınalysynyń sheshimimen Basqarma tóraǵasy bolyp Qanysh Moldabaev úsh jyl merzimge taǵaıyndaldy, onyń Dırektorlar keńesiniń tóraǵasy retindegi ókilettigi de merziminen buryn toqtatyldy. Al Dırektorlar keńesiniń tóraǵasy bolyp Súıinshilik Tıesov saılandy.

Sonymen qatar Ernat Berdiǵulovty «Samuryq-Qazyna» AQ múddeleriniń ókili retinde «KEGOC» AQ Dırektorlar keńesiniń múshesi etip saılaý týraly sheshim qabyldandy.

S.A. Tıesov pen E. K. Berdiǵulovtyń ókilettik merzimi jalpy «KEGOC» AQ Dırektorlar keńesiniń ókilettik merzimi aıaqtalǵanǵa deıingi merzimge belgilengen.

Qanysh Táńirbergenuly Moldabaev 25 jyldan astam basqarý tájirıbesi bar. Eńbek jolyn 1987 jylǵy tamyzda Pavlodar oblysy Baıanaýyl aýdany elektr jelileriniń slesari qyzmetinen bastady. 1987-1999 jyldary paıdalaný men jóndeýden bastap Pavlodar oblysy Baıanaýyl aýdanynyń elektr jelileriniń birinshi basshysyna deıin ár túrli laýazymda jumys istedi. 1999-2003 jyldary Pavlodar oblysy Baıanaýyl aýdany ákiminiń orynbasary bolyp jumys istedi. 2003-2004 jyldary QR Prezıdentiniń janyndaǵy Memlekettik qyzmet akademııasynda oqydy. Oqýdy aıaqtaǵannan keıin, 2004 jyldan 2007 jylǵa deıin Energetıka jáne mıneraldyq resýrstar mınıstrliginiń Elektr energetıkasy basqarmasynyń bastyǵy bolyp jumys istedi. Sodan keıin «KEGOC» AQ-ǵa jumysqa aýysty, 2007 jyldan bastap 2009 jylǵa deıin – «KEGOC» AQ «Soltústik JET» fılıalynyń dırektory, 2009 jyldan bastap 2011 jylǵa deıin - UET-ty damytý departamentiniń dırektory bolyp jumys istedi. 2011 jyldan bastap 2012 jylǵa deıin «Samuryq-Qazyna» AQ Indýstrııalyq aktıvterdi basqarý jónindegi dırektory bolyp jumys istedi. 2012 jyldan bastap 2018 jylǵa deıin «Samuryq-Energo» AQ-da Innovatsııalyq-tehnologııalyq saıasat jáne damý departamentiniń dırektorynan, Damý jáne satý jónindegi basqarýshy dırektor-Basqarma múshesinen bastap Basqarma tóraǵasynyń birinshi orynbasaryna deıin túrli laýazymdarda jumys istedi. 2018 jyldan bastap 2019 jylǵa deıin «Qazaqstan atom elektr stantsııalary» AQ Bas dırektorynyń orynbasary bolyp jumys istedi.

2019 jylǵy sáýirden bastap qazirgi ýaqytqa deıin «Energetıka» sektorynyń basshysy, «Samuryq-Qazyna» AQ Energetıkalyq jáne taý-ken aktıvteri dırektsııasynyń dırektory bolyp qyzmet atqardy.

Sonymen qatar 2021 jylǵy sáýirden bastap qazirgi ýaqytqa deıin Qanysh Táńirbergenuly «KEGOC» AQ Dırektorlar keńesiniń tóraǵasy bolypqyzmet atqarady.

«Qurmet» ordenimen (2015j.), «Qazaqstan Respýblıkasynyń táýelsizdigine 10 jyl» (2001j.) medalimen, «Qazaqstan Respýblıkasynyń táýelsizdigine 20 jyl» (2011j.) medalimen, Qazaqstan Respýblıkasy Energetıka jáne mıneraldyq resýrstar mınıstrliginiń Qurmet gramotasymen (2006j.), «TMD eńbek sińirgen energetıgi» ataǵymen (2010j.). marapattaldy.

Súıinshilik Ámirhamzauly Tıesov Qazaq polıtehnıkalyq ınstıtýtyn ınjener-elektrık mamandyǵy boıynsha bitirgen, tehnıka ǵylymdarynyń kandıdaty.

Mynadaı jumys tájirıbesi bar:

1968-1969 jj. – «Tselınenergo» ÓEB ortalyq dıspetcherlik qyzmetiniń ınjeneri.

1969-1971 jj. –«Energosetproekt» ǴZIjJI relelik qorǵaý jáne avtomatıka bóliminiń ınjeneri, aǵa ınjeneri, Almaty;

1971-1984 jj. – Qazaq KSR Energetıka jáne elektrlendirý mınıstrliginiń JDB elektr rejımderin ońtaılandyrý qyzmetiniń bastyǵy, aǵa ınjeneri, sektor bastyǵy, Almaty;

1984-1987 jj. – «Tselınenergo» ÓEB bas dırektorynyń elektr jelileri jónindegi orynbasary;

1987-1989 jj. – «Gýrevenergo» ÓEB bas ınjeneri;

1989-1995 jj. – «Atyraýenergo» («Gýrevenergo») ÓEB bas dırektory, Atyraý;

1995-1997 jj. –QR Energetıka jáne kómir ónerkásibi mınıstriniń orynbasary, mınıstrdiń birinshi orynbasary;

1997-1999 jj. – QR Energetıka, ındýstrııa jáne saýda departamentiniń dırektory;

1999-2000 jj. – QR Memlekettik energetıkalyq qadaǵalaý komıtetiniń tóraǵasy.

2000-2001 jj. – «KEGOS» AAQ vıtse-prezıdenti;

2001-2004 jj. – «KEGOS» AAQ Aqmola fılıalynyń dırektory;

2004-2016 jj. – «EQNQO» AQ Basqarma tóraǵasy (Elektr energııasy men qýaty naryǵynyń qazaqstandyq operatory);

2016 jylǵy qazannan bastap qazirgi ýaqytqa deıin - «KEGOS» AQ Dırektorlar keńesiniń múshesi, «Samuryq-Qazyna» AQ ókili. Súıinshilik Ámirhamzauly TMD jáne Qazaqstan Respýblıkasynyń eńbek sińirgen energetıgi, energetıka ardageri, 2 jáne 3 dárejeli «Barys» ordenderimen, Qazaqstan Respýblıkasy Prezıdentiniń Alǵys hatymen marapattalǵan.

Ernat Qudaıbergenuly Berdiǵulov Ulybrıtanııada University of Warwick - Bıznes ákimshilik etý magıstri (2015-2018 jj.);

Memlekettik saıasat jáne halyqaralyq qatynastar mamandyǵy boıynsha University of Toronto (baǵyty-Halyqaralyq ekonomıka) (2007-2010 jj.);

Bolashaq kóshbasshylarmen almasý baǵdarlamasy boıynsha Marysville Pilchuck High School (FLEX) (2004-2005 jj.).

«Samuryq-Qazyna» AQ Basqarýshylyq esepteý júıesin (BEJ) engizý boıynsha jobalaý keńsesinde jumys tájirıbesi bar (2011-2012jj.), «Samuryq-Energo» AQ Analıtıka qoldaý departamentiniń dırektory, Strategııalyq damý departamentiniń dırektory, Jobalardy basqarý departamentiniń dırektory boldy (2013-2018jj.), «Samuryq-Qazyna» AQ Aktıvterdi basqarý dırektsııasynyń taldaýshysy (2019-2021jj.), 2021 jylǵy sáýirden bastap «Samuryq-Qazyna» AQ Strategııa, turaqty damý jáne tsıfrlyq transformatsııa jónindegi seriktes basqarýshy dırektory bolyp qyzmet atqardy.


Joǵary qaraı