Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Keles aýdanynda óndiris oryndary ashyla bastady

2022 jyldyń 14 qańtar 2022 05:24

TÚRKІSTAN. QazAqparat - Túrkistan oblysynyń Keles aýdanynda jyl sanap óndiris oryndary ashylyp jatyr. Óńirdegi óńdeý ónerkásibiniń negizgi kapıtalyna salynǵan ınvestıtsııalardyń kólemi bıyl 499,7 mln teńgege jetti, dep habarlaıdy QazAqparat tilshisi.

Aýdandyq ákimdiktiń málimetinshe, ótken jyly óńdeý ónerkásibiniń negizgi kapıtalyna salynǵan ınvestıtsııalardyń kólemin 400 mln teńgege jetkizý josparlanǵan. Bul meje ótken jyldyń 11 aıynda artyǵymen oryndalǵan. Al, negizgi kapıtalǵa tartylǵan ınvestıtsııa kólemi 10 064,3 mln teńgege jetken.

Naqty kólem ındeksi aldyńǵy jyldyń tıisti kezeńimen salystyrǵanda 126,5% oryndalǵan. Aýdanǵa barlyǵy 7,7 mlrd teńge ınvestıtsııa tartylyp, ótken jyldyń tıisti kezeńimen salystyrǵanda 1,7 mlrd teńgege ósken. Onyń ishinde respýblıkalyq bıýdjet esebinen 0,7 mln teńge, jergilikti bıýdjet esebinen 1,6 mlrd teńge bólingen.
Sondaı-aq, menshik qarajat esebinen 2,5 mlrd teńge jáne basqa da qaryz qarajat esebinen 0,1 mlrd teńgege jetti. Tartylǵan ınvestıtsııa aýdannyń áleýmettik-ekonomıkasyna qarqyn berip, turǵyndardyń jumyspen qamtýyna múmkindik ashqan. Turaqty jáne ýaqytsha jumys oryndaryna 1527 azamat tartylǵan. Onyń ishinde, áleýmettik jumys oryndaryna 216, jastar praktıkasyna 331, aqyly qoǵamdyq jumystarǵa 660 azamat jáne alǵashqy jumys oryndaryna 15 turǵyn joldanǵan.

Joǵary qaraı