Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kelesi jyly baspana baǵasy qymbattaı ma

2021 jyldyń 24 qyrkúıek 2021 14:36

NUR-SULTAN. QazAqparat - 2022 jyldyń kókteminde turǵyn úı 20%-30% qymbattaıdy. Qazaqstan Qurylysshylar odaǵynyń basshysy Talǵat Erǵalıev BAQ ókilderine osyndaı boljam aıtty, dep habarlaıdy QazAqparat tilshisi.

«Qurylystyń qunyn arzandaý týraly aıtsaq, 2014-2015 jyldary úshinshi-tórtinshi klasty turǵyn úıdiń sharshy metri 1,5-2 myń dollarǵa satylsa, qazir olar 750 dollarǵa ótip jatyr. Bir sózben aıtqanda qurlyskompanııalary salǵan úıiniń ózindik qunyn ǵana aqtap jatyr. Baspana tapshylyǵynyń qalyptasýyna qurylys kompanııalary kináli emes. Búginde qurylystyń ózi 35%-40% qymbattady. Materıaldar 60% -dan 90%-ǵa deıin sharyqtap ketti», - dedi Talǵat Erǵalıev BAQ ókilderine.

Onyń aıtýynsha, qurylys quny 15% - ǵa ǵana kóterilgen.

«Qısynǵa salyp qarasańyz, qurylystyń ózi 35%-40% qymbattasa, sharshy metrdiń quny bar bolǵany 15%-ǵa qymbattaǵannyń ózinde baǵanyń ósip ketkenin kóremiz. Kommertsııalyq turǵyn úı salýshylar baǵany bir túnde kóterip jatqan joq. Olar baǵany birtindep, baıaý kóteredi. 2022 jyldyń kókteminde baspana baǵasy 20%-30% ósedi dep topshylap otyrmyz. Biz muny naqty bıylǵy jtaldaýǵa ǵana súıenip aıtyp turǵan joqpyz. Bul qurylystyń barlyq kezeńin taldaý arqyly alynǵan boljam», - dedi Talǵat Erǵalıev.


Avtor Esimjan Naqtybaı
Basty sózder: Turǵyn úı, Qurylys,
Joǵary qaraı