Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Keleste 30 mln teńge «otkat» alǵan bólim bastyǵy 11 jylyn túrmede ótkizedi

2021 jyldyń 24 shilde 2021 04:05

KELES. QazAqparat - Túrkistan oblysy Keles aýdanynda merdigerden 30 mln teńge para alǵan sheneýnik sottaldy, dep habarlaıdy QazAqparat.

Bul jaıynda Sybaılas jemqorlyqqa qarsy is-qımyl agenttiginiń Telegram paraqshasy resmı málimet taratty.

Oǵan sensek, 14 shildede Túrkistan oblystyq qylmystyq isterge mamandandyrylǵan aýdanaralyq sotynyń úkimimen Keles aýdany turǵyn úı-kommýnaldyq sharýashylyq bóliminiń bastyǵy A.S. Kenegesov sottalǵan.

Aıyptalýshy aldaǵy 11 jyl 3 aı ýaqytyn túrmede ótkizedi.

A. S. Kenegesov Qylmystyq kodekstiń 366-baby 4-bólimi jáne 24-baby 3-bólimi boıynsha aıyptalǵan edi.

Bólim bastyǵy 2020 jyldyń 8 maýsymynda kompanııa dırektorynan 30 mln teńge kóleminde para alǵan.

Bul - quny 3 mlrd teńge bolatyn qosalqy stansa qurylysyna arnalǵan memlekettik satyp alý kelisimshartynyń 1 paıyzy bolatyn.

Ol tender qunynyń 1 paıyzyn para retinde alyp, qaltasyna basýdy josparlaǵan.


Joǵary qaraı