Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kentaý qalasynda Elbasy esimdi azamat turady

2021 jyldyń 1 jeltoqsan 2021 11:44

TÚRKІSTAN. QazAqparat – Kentaý qalasynda Elbasy esimdi azamat turady. Erekshe esimdi ıelengen oǵan kópshilik tańdanyspen qaraıdy eken.

«Esimimdi esitken adamdar birden tańdanysyn bildirip jatady. Qyzyǵa qaraıdy. Senbeıtinderge tólqujatymdy kórsetemin. Jol patrýldik polıtsııasynyń qyzmetkerleri toqtatqanda da qujattarymdy kórip, qaıta-qaıta qaraǵany bar», – deıdi ol.




Elbasy Kólbaev 1969 jyly Otyrar aýdany, Qosterek aýylynda dúnıege kelgen. Jergilikti jerdegi mektepti bitirgen soń, jeke kásippen aınalysqan. Qazirde shaǵyn jáne orta bıznes salasynda jergilikti turǵyndardy jumyspen qamtyp otyr.

«Ata-babalarymyz Kırov aýdanyna baryp, kanal qazǵan eken. Sodan elge oralǵanda men týylyppyn. «Elge qaıtqan kezde dúnıege kelgen sábı ǵoı» dep meniń esimimdi Elbasy qoıypty. Bala kezimde esimim birtúrli estiletin. «Nege Marat, Murat, Jánibek etip qoımady?» dep oılaıtynmyn. Al, elimiz táýelsizdik alǵan soń, Elbasy sózi keń tanymaldyqqa ıe boldy. Qazir esimimdi maqtan tutamyn», - deıdi ol.




Elbasy Seıitmuratuly búginde 2 ul, 1 qyzdan, 6 nemere súıip otyr. Jubaıy da jeke kásipker. Kólbaevtar otbasy Kentaý qalasynyń áleýmettik–ekonomıkalyq damýyna ózindik úlesin qosyp otyr. ıAǵnı, kásipkerlik salasyndaǵy kóshbasshy.

«Atalarymyz eldiń basy bolsyn, zamandastarynyń kóshbasshysy bolsyn dep osy atty azan shaqyryp qoıǵan eken. Elbasy esimin ıelengen soń, ony abyroımen alyp júrý kerekpiz», - deıdi Elbasy Seıitmuratuly.








Joǵary qaraı