Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Kentaýda aýyl sharýashylyǵy óniminiń kólemi 64 mlrd teńgege jetken

2020 jyldyń 29 qarasha 2020 18:56

KENTAÝ. QazAqparat – Túrkistan oblysy Kentaý qalasynda aýyl sharýashylyǵynyń ónim kólemi 64 mlrd teńgege jetken, dep habarlaıdy QazAqparat tilshisi.

Qaladaǵy 3 iri, 27 orta jáne shaǵyn kásiporynda 28 mlrd teńgeniń ónimi óndirilgen.

Qala ákimi Dáýren Maqajanovtyń aıtýynsha, memlekettik baǵdarlamalar men oblystyq óńirler kásipkerligin qoldaý kartasyna jalpy quny 13,7 mlrd teńgege 8 joba engizilgen.




Taǵy 4 joba tolyǵymen iske asyrylǵan. 2020-2022 jyldary qala boıynsha 4 ınvestıtsııalyq joba iske asýy josparlanýda. Al, aýyl sharýashylyǵynyń negizgi kapıtalyna 10 aı qorytyndysymen 4 mlrd teńgege ınvestıtsııa tartylǵan.

Túrkistan oblysy ákiminiń tapsyrmasyna sáıkes, «Túrkistan qalasy aýmaǵynda azyq-túlik beldeýin qurý» jobasy boıynsha 6 aýyldyq okrýgte 10 aýylsharýashylyq óndiris kooperatıvi qurylyp, oǵan 1269 sharýa qojalyǵy tartylǵan.

«Qalada halyq sany - 208 170. Ekonomıkalyq belsendi turǵyndar sany 89 586 adamǵa jetip otyr. Bıyl tabysy kedeılik sheginen tómen 2501 otbasy men 13 364 adamǵa 900 mln teńgege jýyq kómek taǵaıyndalyp, 10 aıda 760 mln teńge tólengen. Sondaı-aq, turǵyndar ıgiligi úshin aǵymdaǵy jyly jalpy alańy 20734,8 sharshy metrdi quraıtyn 134 jekemenshik turǵyn úı paıdalanýǵa berildi. 60 páterli on turǵyn úı paıdalanýǵa berilýge daıyn. Degenmen, 600 páter óz ıesin kúte turady. Sebebi, gaz júıesi tartylǵannan keıin kentaýlyq otbasylar qonys toıyn toılaıdy», – dedi Dáýren Sábıtuly.




Aıta keteıik, búginde Kentaý qalasynda turǵyn úı kezeginde tórt myńnan asa adam tur. Alaıda bıyl bir de bir turǵynǵa baspana berilmegen.








Joǵary qaraı