Aýa raıy
Astana 10 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Kentaýda karantın talaptaryn saqtamaǵan 19 nysan anyqtaldy

2020 jyldyń 8 tamyz 2020 08:36

KENTAÝ. QazAqparat – Túrkistan oblysy Kentaý qalasynda karantın talaptaryn saqtamaǵan 19 nysan anyqtaldy. Tyıym salynǵan ýaqytta jumys istegen dúkender men dámhanalardyń ıelerine hattama toltyryldy, dep habarlaıdy QazAqparat tilshisi.

Kentaýda kúndelikti reıd júrgizilip turady. Bul sharalarǵa qala ákiminiń orynbasary Bekaıdar Álimbetov jáne qalalyq polıtsııa bóliminiń qyzmetkerleri, kásipkerlik bólimi, taýarlar men kórsetiletin qyzmetterdiń sapasy men qaýipsizdigin baqylaý basqarmasynyń mamandary, BAQ ókilderi qatysady.

Mobıldi top músheleri karantın talaptaryna saqtamaı jumys jasap jatqan nysandardy anyqtap, olarǵa tıisti talaptardy tolyǵymen saqtaýdy eskertip otyr. Búginde qalada osyndaı úsh mobıldi top qurylǵan. Barlyǵyna qala ákiminiń orynbasarlary basshylyq etýde.

«Qalany jáne qalaǵa qarasty 16 aýyldyq okrýgti sektorǵa bólip, jumys jasap jatyrmyz. Qazir biraz retteldi. Halyq ta túsindi. Arasynda baǵynbaı, jasyryn jumys jasap jatqandarǵa aıyppul salynýda. Bul jumystar karantın bitkenshe jalǵasady», – deıdi qala ákiminiń orynbasary Bekaıdar Álimbetov.

Búginge deıin Kentaýda jasyrynyp toı istegender men týǵan kún toılaǵandar, shektelgen ýaqytta jumys istegen dúkender bar.

«Reıdke kúndelikti shyǵyp júrmiz. Anyqtalǵan jaǵdaılar boıynsha hattama toltyryp, Kentaý qalalyq taýarlar men kórsetiletin qyzmetterdiń sapasyn men qaýipsizdigin baqylaý basqarmasyna joldaımyz», – deıdi ýchaskelik polıtsııa ınspektory, polıtsııa maıory Bekjan Qonysov.




















Joǵary qaraı