Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Keıbir adamdar medıtsınaǵa júginbeı emshi, táýip aralap ketedi – onkolog

2021 jyldyń 8 jeltoqsan 2021 20:33

NUR-SULTAN. QazAqparat – Nelikten onkologııalyq syrqattardy asqyndyryp almaǵan jón? Jáne Qazaqstanda atalǵan dertten emdeýde álemniń qandaı ozyq tájirıbeleri qoldanylyp jatyr? Osy jáne ózge de onkologııalyq aýrý túrine qatysty suraqtarǵa Nur-Sultan qalasynyń bas onkolog-dárigeri, kópsalaly medıtsına ortalyǵynyń dırektory Muhtar Tóleýtaev jaýap berdi, dep habarlaıdy QazAqparat tilshisi.

«Onkologııalyq aýrýdyń zardabyn tartýshylarǵa qatysty bir problema bar. Keıbir adamdar medıtsınaǵa júginbeı emshi, táýip aralap ketedi. Sol sııaqty elimizde atalǵan sala boıynsha mamandandyrylmaǵan ártúrli medıtsınalyq ortalyqtar bar. Odan qaldy keı adamdar óz betimen, halyq emi ádisin qoldanyp jatady. Mine, osy atalǵan faktiler dertti asqyndyryp alýǵa óz áserin tıgizip jatady. Jyl saıyn 14-15 myń qazaqstandyq onkologııalyq aýrýdan kóz jumady eken», - dedi Muhtar Tóleýtaev.

Mamannyń aıtýynsha, elimizde onkologııalyq aýrýdy emdeý ádis-tásili halyqaralyq standart pen hattamaǵa sáıkes júrgizilip jatyr.

«Otandyq onkologııa salasynda Japonııa, Ońtústik Koreıa, Izraıl, Germanııa, Frantsııa jáne AQSh elderiniń ozyq tájirıbesin qoldanyp jatyrmyz. Taǵy bir jaıt elimizde onkolog mamandarǵa tapshylyq bar. Jáne onyń birneshe sebebi bar. Birinshiden, elimiz boıynsha jalpy medıtsına mamandary tapshylyǵy máselesi kún tártibinde, onyń ishinde onkologtarda bar. Ekinshiden, onkologııa medıtsınanyń kúrdeli salalarynyń biri. Kóp jaǵdaıda adamdar aýrý asqynǵannan keıin baryp kelip jatady. Ol jaǵdaıda jumys ońaı emes jáne úlken jaýapkershilik pen tózimdilikti talap etedi», - deıdi ol.

Aıta keteıik, búginde el kóleminde onkologııalyq aýrýdan emdeıtin 18 ortalyq bar. Odan bólek, Nur-Sultan qalasynda Ulttyq onkologııalyq ortalyq jáne Almatyda Ǵylymı-zertteý ınstıtýt jumys istep tur.

Buǵan deıin maman onkologııalyq aýrýdyń aldyn alýǵa qatysty keńes bergen edi. Sol sııaqty atalǵan dert túrine kóbinese qaı jastaǵy adamdardyń shaldyǵatyny týraly aıtqan edi.


Avtor Álı Ibraev
Basty sózder: Medıtsına, Qoǵam, Densaýlyq,
Joǵary qaraı