Aýa raıy
Astana -24 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Keıbir ýnıversıtetter oqytýshy jalaqysyn kóterý tapsyrmasyn oryndamaı otyr - mınıstr

2020 jyldyń 20 qazan 2020 11:50

NUR-SULTAN. QazAqparat - Elimizdegi keıbir joǵary oqý oryndary Memleket basshysynyń oqytýshylar jalaqysyn kóterý tapsyrmasyn oryndamaı otyr. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Jalaqyny 25 paıyzǵa ósirý tapsyrmasy bolǵan edi. Ýnıversıtetterdiń basym kópshiligi bul tapsyrmany durys deńgeıde oryndady. Keıbir ýnıversıtetter tolyq oryndamaǵan. Osy ýnıversıtetterdiń Dırektorlar keńesi tóraǵalaryna tapsyrma beremin. Aldymyzdaǵy eń birinshi Dırektorlar keńesiniń otyrysynda qarap, tıisti sheshim qabyldap, bul máseleni jabý kerek. Ásirese pedagogıkalyq baǵytta bilim beretin ýnıversıtetter. Pedagogıkalyq ýnıversıtetterde jalaqynyń ósýi basqa ýnıversıttermen qaraǵanda álde qaıda kóbirek bolýy tıis. Nege? Óıtkeni, Prezıdenttiń tapsyrmasy boıynsha osy pedagogıkalyq ýnıversıtetterde oqý quny, bıýdjetten berilip otyrǵan grantyń quny basqa ýnıversıtettermen salystyrǵanda kóbirek», - dedi Ashat Aımaǵambetov mınıstrliktiń apparat keńesinde.

Mınıstrdiń aıtýynsha, bul óz kezeginde pedagogıkalyq mamandyqtar boıynsha jalaqynyń ósýine múmkindik beredi.

«Muny da durys túsindirýimiz kerek. Jalpy pedagog mártebesi boıynsha da jalaqynyń qazirgi ýaqytta óskeni bárine belgili. Qańtar aıynan bastap 25 paıyzǵa artty. Qyrkúıek aıynda da jalaqynyń biraz ósimi oryn aldy. Kelesi jyly qańtarda da kóteriledi. Munyń barlyǵy Prezıdent tapsyrmasynyń aıasynda oryn alyp jatyr. Bul bilim basqarmasyna álde mınıstrlikke ne basqa tulǵalarǵa baılanysty másele emes. Memleket basshysy aldyńǵy jyly tamyz keńesinde bergen tapsyrmasy aıasynda bıýdjetten qyraýar qarajat bólinip jatyr»,- dedi ol.


Joǵary qaraı