Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kez-kelgen vaktsına antıdene qalyptastyrýǵa baǵyttalady – dáriger

2021 jyldyń 6 mamyr 2021 07:25

PETROPAVL. QazAqparat – Soltústik Qazaqstan oblystyq kópbeıindi aýrýhana bas dárigeriniń birinshi orynbasary Ashat Moljigitov koronavırýsqa qarsy vaktsına alýdyń qanshalyqty mańyzdy ekenin aıtty. Koronavırýsty juqtyrǵan kardıologııalyq, sozylmaly, onkologııalyq aýrýlary bar syrqattar onyń zardabyn áli kúnge deıin tartyp keledi, dep habarlaıdy QazAqparat tilshisi.

Soltústik Qazaqstan oblystyq kópbeıindi aýrýhana bas dárigeriniń birinshi orynbasary Ashat Moljigitovtiń aıtýynsha, byltyr kóktemde koronavırýs indeti bastalǵan kezde dárigerler kovıdtik gospıtalderde jumysqa kiristi. Óńirdegi barlyq aýrýhanalar ınfektsııalyq statsıonarlar retinde qaıta jaraqtandyryldy.

«Ol biz úshin eń aýyr kezeń boldy. Óıtkeni ol kezde biz bul vırýstan qalaı emdeý kerek ekenin durys bilmedik. Juqtyrǵandar óte kóp boldy. Halyqaralyq usynymdar boıynsha jumys istedik. Syrqattanǵandardyń basym bóligin emdep jazdyq, alaıda, olardyń barlyǵyn, ókinishke oraı, aman alyp qala almadyq», - deıdi dáriger.

Ashat Moljigitov - ınterventsııalyq arıtmolog. Onyń aıtýynsha, júrektiń ıshemııalyq aýrýy, qant dıabeti, sozylmaly, ókpe, onkologııalyq sııaqty ilespe aýrýlary barlar koronavırýsty aýyr ótkerdi. Zardabyn áli kúnge tartyp keledi.

«Qazirgi ýaqytta koronavırýsty emdeýdiń jeti túrli tásili belgili. Sonyń eń tıimdisi sońǵy aqpan aıynda Qazaqstanda shyqqan emdeý protokoly, biz qazir sony ustanamyz. Ol eýropalyq usynymdardy negizge ala otyryp jasalǵan. Nátıjesinde COVID-19 juqtyrýshylardyń jazylyp shyǵý paıyzy ulǵaıdy», - deıdi Ashat Moljigitov.

Kardıologııalyq ortalyq koronavırýs ınfektsııasy órship turǵan kezde de jumysyn bir kún de toqtatpaı, syrqattardy qabyldady.

«Biz kardıologııalyq profıldi patsıentterge em-dom júrgizip, júrekke ota jasaýdy toqtatpadyq. Jaǵdaıǵa baılanysty jumysymyzǵa ózgeris engizýge týra keldi. COVID-19 ınfektsııasy bar syrqattarymyzǵa jańa bólimshe ashtyq. Sol kezde koronavırýs juqtyrǵan jáne qosymsha kardıologııalyq aýrýlary bar 10-15 adamdy táýligine anyqtap otyrdyq. Bul bólimshe qazir de jumys istep tur. Biraq syrqattardyń sany anaǵurlym azaıǵan, ıaǵnı orta eseppen aptasyna 2-3 adamdy ǵana anyqtaımyz», - deıdi maman.

Qazirgi ýaqytta epıdemııaǵa qarsy is-sharalardy qoldaný, ıaǵnı maska taǵý, áleýmettik ara qashyqtyqty saqtaý, halyq kóp jınalatyn jıyndardan bas tartý – óz nátıjesin berip jatyr.

«Men dáriger retinde turǵyndardyń barlyǵyn vaktsınatsııadan ótýge shaqyramyn. Ekpe saldyrýdyń negizgi mehanızmi – ınfektsııanyń aýyr túrleriniń aldyn alý. Bul dáleldengen. Tolyq kýrstan ótkender koronavırýsty juqtyrǵan kúnniń ózinde jeńil aýyrady. Sondyqtan bul indetten qutylý úshin ujymdyq ımmýnıtet qalyptastyrý qajet. Turǵyndardyń 65-70 %-y egilýi qajet», - deıdi dáriger.

Ashat Moljigitov te koronavırýs ınfektsııasyn juqtyryp, aýyryp turǵandardyń biri.

«Men shilde aıynda koronavırýsty juqtyrdym. Vakınanyń alǵashqy partııasy kelgen kezde, aqpan aıynda, men birden ekpe aldym. Sol kezde mende ımmýnoglobýlın G sol kezde 3,5-4 boldy, qazir mendegi antıdeneler sany 127-ge jetti.

Buǵan deıin koronavırýspen aýyryp, nátıjesinde aǵzada antıdeneniń paıda bolýy – vaktsına qoıǵyzýǵa qarsy kórsetilim emes. Sol sebepti aýyrǵan kúnnen bastap ekpe saldyrǵanǵa deıin jarty jyl ótýi tıis. Vaktsına qoıdyrý arqyly biz olardyń jumysyn kúsheıtemiz», - deıdi ol.

Turǵyndar tarapynan vaktsınatsııaǵa qyzyǵýshylyq bar.

«Bizge, medıtsına qyzmetkerlerine, vaktsınatsııaǵa qarsy kórsetilimder bar ma dep jıi suraq qoıady. 16 jasqa deıin vaktsına egilmeıdi jáne koronavırýspen aýyrsa olarǵa 6 aıǵa deıin ekpe jasaýdyń qajeti joq. Ekpe almas buryn barlyǵy terapevtiń tekserisinen ótedi. Allergııasy barlarǵa, sozylmaly aýrýmen aýyratyndarǵa, onkologııalyq jáne jaqynda ota jasatqandarǵa vaktsına qoıylmaıdy. Bizge burynǵy qalypty ómirge oralý úshin barlyǵyn vaktsına saldyrýǵa shaqyramyn.

Qandaı vaktsına jaqsy, qazaqstandyq pa, álde reseılikti salǵyzaıyq pa dep te jıi suraıdy. Kez-kelgen vaktsına, ol qaıda jasalmasyn, ol antıdene jasaýǵa baǵyttalady. Sol sebepti qandaı da bir vaktsına jaqsy, endi biri nashar dep aıtý durys emes. Olardyń barlyǵy birdeı jumys isteıdi», - deıdi Ashat Moljigitov.

Dárigerdiń aıtýynsha, sheteldik ádebıette vaktsına salǵyzǵannan keıin de koronavırýsty qaıta juqtyrǵan jaǵdaılar jaıynda aıtylady. Alaıda 99 %-da ınfektsııa jeńil ótken. ıAǵnı, vaktsına qoıdyrýdyń negizgi maqsaty –aǵzamyzdyń antıdenelerdi - ımmýnoglobýlın óndirýine jaǵdaı jasaý. Tek osylaısha ınfektsııaǵa toıtarys bere alamyz.


Joǵary qaraı