Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QHA ınternet keńestikte paıdaly kontentti jıi usyný kerek – depýtat

2021 jyldyń 21 qazan 2021 15:38

NUR-SULTAN. QazAqparat – Qazaqstan halqy Assambleıasynyń qyzmetin jetildire túsý úshin paıdaly zamanaýı kontentterdi ınternet keńistiginde jıi jarııalaý kerek. Bul usynysty QR Parlamenti Májilisiniń depýtaty ıÝrıı Lı bildirdi, dep habarlaıdy QazAqparat tilshisi.

«Búgingi jıynda Assambleıanyń bolashaqtaǵy qyzmetine qatysty biraz dúnıeler aıtyldy. Jeke toqtalyp ótsem, aldymen Túrkistan oblysyndaǵy kópulttylyq taqyryby ashyq aıtyldy. Osy turǵyda spıker Qazaqstan kópultty memleket bolǵandyqtan, kóptildilik saıasatyn ustaný kerektigin alǵa tartty jáne ol usynysty Memleket basshysyn qoldap, bilim mınıstrligine kóptiltilik saıasatyn zertteý týraly tapsyrma berdi. Óz basym bul usynysy tyń ózgeris dep oılaımyn. Sosyn Analar keńesiniń qyzmetin jetildirý kerektigi aıtyldy. Sondaı-aq, ınternettiń paıdasy men zııany taqyryby kóterildi. Iá, ınternetke qatysty uzaq ýaqyt básekege túsýge bolady, óıtkeni onyń paıdasy men zııany qatar júredi. Biz ınternettiń ıgiligin ǵana kórsek deımin», - dedi ıÝrıı Lı.

Sonymen qatar, halyq qalaýlysy assambleıa jumysyn jetildire túsýge qatysty óz ıdeıasyn ortaǵa saldy.

«Qazaqstan halqy Assambleıasy jumysyn kórsetip, qyzmetin ilgeriletý úshin ınternet keńestikte paıdaly kontentti jıi usyný kerek. Árıne, ol zamanaýı ári tartymdy formatta. Sol arqyly Assambleıa aýdıtorııasyn keńeıte alady. Sonymen qatar maǵan unaǵan jobanyń biri «Batyrlar bizdiń aramyzda». Kerek joba, sebebi óńirlerde, aýyldyq eldimekenderde eńbek etip, halyqqa paıdasyn tıgizip júrgen jandar barshylyq. Ony kóp adam bile bermeıdi. Mysaly, aýylda sharýasyn dóńgeletip, adamdardy jumyspen qamtyp otqan jandar týraly jıi aıtýymyz kerek. Olardyń ınternetpen sharýasy joq, ony qarap otyratyn shamasy da joq. Qaıdaǵy blogerlerdi nasıhattaǵansha sol eńbekqor, batyrlardy elge úlgi etýimiz kerek», - deıdi ol.


Joǵary qaraı