Aýa raıy
Astana -1 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

QHL: «Barys» kóshbasshy komandadan basym tústi

2019 jyldyń 20 qazan 2019 19:50

NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Vıtıaz» (Podolsk) komandasyn qabyldady, dep habarlaıdy QazAqparat tilshisi.

«Vıtıaz» komandasy bıyl jaqsy oıyn órnegin kórsetip keledi. Qazir týrnır kestesinde ekinshi orynda tur. Búginge deıin olar 18 oıynnan keıin 29 upaı jınaǵan edi. Al «Barys» 17 oıynnan keıin 24 upaı jınap, týrnır kestesinde jetinshi orynda turǵan bolatyn.

Sondyqtan búgingi oıyn tarysty ótti. Goldy aldymen «Vıtıaz» hokkeıshileri soqty. Ony kezdesý bastalǵanynan nebári 38-sekýnd ótkende Aleksandr Semın soqty. Al 4-mınýtta «Barys» sapynan Anton Sagadeev tarazy basyn teńestirdi.

Ekinshi kezeńniń 34-mınýtynda elordalyq klýb sapynan Dastın Boıd óz komandasyn alǵa shyǵardy. Degenmen 49-mınýtta «Vıtıaz» hokkeıshisi Aleksandr Semın atalmysh kezdesýdegi óziniń ekinshi golyn soqty. Negizgi kezeńi 2:2 esebimen teń aıaqtaldy. Nátıjesinde oıyn overtaımǵa ulasty. Overtaımda jeńis shaıbasyn Dastın Boıd óz enshisine jazdy. Nátıjesinde elordalyq klýb 3:2 esebimen jeńiske jetti.

Atalmysh jeńisinen keıin «Barys» jalpy týrnır kestesinde besinshi orynǵa kóterildi. Al batys konferentsııasynda olar úzdik úshtikti túıindese, Chernyshev dıvızıonynda ekinshi orynǵa jaıǵasty.

Budan buryn elordada «Barys» ekinshi oıyn qatarynan jeńilip qaldy.

Endi «Barys» aldaǵy úsh oıynyn syrt aıdynda ótkizedi. Aldymen 22 qazanda Belarýstiń «Dınamo» (Mınsk) komandasymen kezdesse, odan keıin Reseıdiń «Lokomotıv» (ıAroslavl), «Ak Bars» (Qazan) komandalarymen sheberlik baıqasady.

Avtor Ádiljan Úmbet
Basty sózder: Sport, Nur-Sultan,
Joǵary qaraı