Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

QHL: «Barys» «Salavat ıÝlaevtan» jeńilip qaldy

2020 jyldyń 22 qarasha 2020 20:13

NUR-SULTAN. QazAqparat - «Barys» qurlyqtyq hokkeı lıgasynda búgin Reseıdiń «Salavat ıÝlaev» (Ýfa) komandasymen kezdesti, dep habarlaıdy QazAqparat tilshisi.

Búgingi kezdesýdi «Barys» sátti bastaǵan edi. Oıynnyń 8-mınýtynda Roman Starchenko esep ashty. Al 13-mınýtta ýfalyq komanda sapynan Tezmý Hartıkaınen tarazy basyn teńestirdi.

Ekinshi kezeńde eki komandanyń da gol soǵatyn birneshe múmkindigi bolǵan edi. Esesine 26-mınýtta reseılik Dmıtrıı Kýgryshev «Salavat ıÝlaevty» alǵa shyǵarsa, 32-mınýtta Aleksandr Kadeıkın esepti ústemeleı tústi.

Úshinshi kezeńde de aıdyn ıeleri basymdyǵyn kórsetti. Oıynnyń 49-mınýtynda Mıhaıl Vorobev «Salavat ıÝlaevtyń» basymdyǵyn arttyra tústi. «Barys» qarsylasynan 1:4 esebimen jeńilip qaldy.

Osylaısha «Barys» qatarynan tórtinshi márte jeńildi. Elordalyq klýb budan buryn «Avangardtan» jeńilip qaldy.

Endi «Barys» 24 qarashada Reseıdiń Sankt-Peterbýrg qalasynda SKA komandasymen kezdesedi.


Avtor Ádiljan Úmbet
Basty sózder: Sport, Qoǵam,
Joǵary qaraı