Aýa raıy
Astana -24 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

QHL: «Barystyń» búgingi oıynyn qaıdan kórýge bolady

2020 jyldyń 23 qazan 2020 12:17

NUR-SULTAN. QazAqparat - Elordalyq «Barys» qurlyqtyq hokkeı lıgasynda búgin Reseıdiń Qazan qalasynyń «Ak Bars» komandasyn qabyldaıdy, dep habarlaıdy QazAqparat tilshisi.

Oıyn elorda ýaqytymen 19.30-da bastalyp, «Qazsport» jáne KHL-TV telearnalarynan tikeleı efırde kórsetiledi.

Eki komanda buǵan deıin 37 márte kezdesti. «Barys» nebári 7 ret jeńiske jetip, qalǵanynda qarsylasyna ese jiberdi.

Sońǵy oıynda«Barys» elordada Fınlıandııanyń «Iokerıt» klýbynan overtaımda 4:5 esebimen jeńilip qaldy. Oıynda qazaqstandyq klýb sapynan ıAkob Lılıa, Egor Petýhov, Arkadıı Shestakov jáne Lınýs Vıdell mergendigimen kózge tústi.

Qazir «Barystyń» 13 oıynnan keıin 16 upaıy bar. Jalpy týrnır kestesinde 18 orynda tursa, shyǵys konferentsııasynda toǵyzynshy orynǵa jaıǵasqan. Komanda quramynan Alekseı Maklıýkov pen Henrık Karlsson jaraqat alýyna baılanysty aldaǵy oıynǵa qatyspaıdy.

«Ak Bars» eki kún buryn Habarovskide jergilikti «Amýr» komandasyna 1:7 esebimen jol berdi. Reseılik klýb jalpy týrnır kestesinde 20 oıynnan keıin 28 upaımen úshinshi orynda tursa, shyǵys konferentsııasynda da úshinshi orynǵa jaıǵasqan. Olardan qaqpashy qaqpashy Tımýr Bılıalov pen qorǵaýshy Krıstıan Henkel budan buryn jaraqat alyp qaldy. Sondyqtan «Baryspen» kezdesýge qatyspaıdy.


Avtor Ádiljan Úmbet
Basty sózder: Sport,
Joǵary qaraı