Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kıberbýllıng zań júzinde toqtatylýy qajet – Aqparat mınıstri

2021 jyldyń 16 qyrkúıek 2021 15:46

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva XVII Eýrazııalyq medıa forýmda kıberbýllıngge qarsy kúres týraly pikir bildirdi, dep habarlaıdy QazAqparat tilshisi.

«Internettiń belsendi damýymen birge álem kıberbýllıng problemasyna da tap boldy. Kez kelgen qýdalaý sııaqty, kıberbýllıng te – zań júzinde toqtatylýy qajet agressııanyń bir túri. Árıne, mınıstrlik bul baǵytta josparly jumystar júrgizip jatyr. Biz áleýmettik jelilerdiń ishki erejelerin qurmetteımiz. Adamnyń ar-namysy men qadir-qasıetine nuqsan keltiretin zańǵa qaıshy kontent ashyq qoljetimdikte bolmaýy tıis dep sanaımyz. BUU qararymen qabyldanǵan adam quqyqtarynyń jalpyǵa birdeı deklaratsııasynyń kirispesi dál osy qundylyqtardan bastalady», - dedi mınıstr forýmnyń «Pandemııa álemdi qalaı ózgertti jáne jahandyq ómir súrýdiń jańa baǵyttaryn qalaı anyqtady?» sessııasynda.

Aıta keteıik, búgin Nur-Sultanda XVII Eýrazııalyq medıa forýmnyń jumysy resmı túrde ashyldy. Forým 17 qyrkúıekke deıin jalǵasady. Buǵan deıin Aqparat jáne qoǵamdyq damý mınıstri pandemııanyń qoǵamǵa qalaı yqpal etkenin aıtqan edi.



Joǵary qaraı