Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kıbervolonterler jasóspirimderge qatysty qylmystyń aldyn alýǵa kómektesýde

2021 jyldyń 23 aqpan 2021 14:20

QARAǴANDY. QazAqparat – Qaraǵandy oblysynyń quqyq qorǵaý organdary men Bilim basqarmasy kámeletke tolmaǵandarǵa qatysty qylmystyń aldyn alý boıynsha jumysty kúsheıtti. 1 naýryzdan bastap óńirdiń 70 pedagogy «Angel» balalar qaýipsizdigi ortalyǵynyń avtorlyq baǵdarlamasy boıynsha oqytýdy bastaıdy. Sertıfıkat alǵannan keıin balalar qaýipsizdigi boıynsha mektep trenerleri oqýshylarǵa turmysta jáne áleýmettik jelilerde ózin qalaı ustaý kerektigin úıretedi, dep habarlaıdy QazAqparat tilshisi.

Qaraǵandy oblysynda óńir ákimi Jeńis Qasymbektiń qatysýymen ótken onlaın-keńeste kámeletke tolmaǵandarǵa qatysty, atap aıtqanda, balalardyń jynystyq qolsuqpaýshylyǵyna qarsy qylmystyń aldyn alý boıynsha qabyldanyp jatqan sharalar talqylandy. Osyndaı qylmystardy taldaý nátıjesinde olardyń kópshiligin jaqyn adamdar nemese otbasy músheleri jasaıtyndyǵy anyqtaldy.

«Balalar tárbıelenetin barlyq otbasylarǵa únemi baryp turý, tıisti áńgimeler júrgizý, ata-analarǵa, atap aıtqanda analarǵa jadynamalar taratý qajet. Bul sharalar zorlyq-zombylyq sıpatyndaǵy qylmystardy anyqtaýǵa jáne olardyń aldyn alýǵa kómektesýi kerek. Eń aldymen polıtsııa esebinde turǵan adamdarmen birge turatyn otbasylardy qamtý kerek», - dedi polıtsııa departamentiniń JPQB bastyǵy Valerıı Kovalenko.

Oblysta 1 aqpannan bastap barlyq quqyq buzýshylyqtarǵa, onyń ishinde otbasyndaǵy turmystyq zorlyq-zombylyq faktilerine shuǵyl den qoıý úshin JBO-ǵa baılanystyrylǵan «SOS-bir qońyraý» mobıldi qosymshasy jumys isteıdi. Ony pleımarketten «102» degen ataýmen júkteýge bolady. Muny ár otbasy, ásirese kámeletke tolmaǵan balalar tárbıelenetin januıalar júktep alǵany jón. Osy qosymsha jumys isteı bastaǵannan beri Qaraǵandy qalasy PB JBO-ǵa 19 ótinish tústi, onyń ishinde otbasy-turmystyq qatynastar salasynda - bireý.




Kámeletke tolmaǵandarǵa qatysty qylmystarǵa qarsy is-qımyl jasaý úshin blogerler qatarynan top quryldy. Olar zańsyz baǵyttaǵy saıttar men kontentterdi anyqtaý úshin ınternet-keńistikti monıtorıngileıdi. Kıber-sholǵyshtardyń jumysynda oń nátıjeler bar. Mysaly, VKontakte áleýmettik jelisin baqylaý kezinde jas shekteýleri joq toptar ornatyldy, ıaǵnı kez-kelgen paıdalanýshy, onyń ishinde jas bala da aqparatqa qol jetkize alady. Olar ıntımdik fotosýretterdi ornalastyrady, jasyna baılanysty shekteýler joq saıttar úshin tyıym salynǵan tanysýdy usynady.

Ázirge kıbervolonterler qaýymdastyǵy tek Qaraǵandyda ǵana qurylǵan, biraq jaqyn arada mundaı toptar Temirtaý, Shahtınsk, Saran jáne Abaı qalalarynda paıda bolady.

Bilim basqarmasy kámeletke tolmaǵandarǵa qatysty qylmystyń aldyn alý úshin barlyq sharalardy qabyldaıdy. Oblysta saýalnamalardy ázirleýmen jáne aqparattyq kontentti óńdeýmen aınalysatyn bilim basqarmasy men polıtsııa departamentiniń psıhologtarynyń ózara is-qımyly jolǵa qoıylǵan. Qaraǵandy oblysynyń jeti mektebiniń bazasynda «Psıhologııalyq-pedagogıkalyq monıtorıngtiń avtomattandyrylǵan júıesi» baǵdarlamasy sátti aprobatsııadan ótti, bul pedagog-psıhologtarǵa oqýshylarmen jeke jumys jasaýǵa kóbirek ýaqyt bólýge múmkindik beredi.

«Mektepterdiń áleýmettik pasporttaryna ógeı ákeleri nemese ógeı shesheleri bar otbasylarda tárbıelenetin balalardyń esebi engizilgen. Mektepter men kolledjderde psıhologııalyq kómekti kúsheıtý úshin mektep qaýipsizdigi komandalary quryldy. Olar áleýmettik, medıtsınalyq, psıhologııalyq-pedagogıkalyq nemese quqyqtyq qoldaýdy qajet etetin balalardy anyqtaıdy», - dep atap ótti Bilim basqarmasynyń basshysy Gúlsim Qojahmetova.




Óńirde balalarǵa qatysty zorlyq-zombylyqtyń aldyn alý máseleleri boıynsha «Ne molchı» qoǵamdyq qorynyń basshysy Dına Tańsárimen yntymaqtastyq ornatyldy.

Jeńis Qasymbek keńesti qorytyndylaı kele, jurtshylyqty kámeletke tolmaǵandarǵa qarsy qylmystardyń aldyn alý jónindegi jumysqa belsendi tartýdy usyndy. Jáne birqatar tapsyrmalar berdi.

«Biz 2021-2023 jyldarǵa arnalǵan kámeletke tolmaǵandarǵa qatysty qaýipsizdikti qamtamasyz etý jáne zorlyq-zombylyqty boldyrmaý jónindegi Jol kartasyn bekittik. Bul saıtta barlyq máselelerdi ashyq talqylaý kerek. Jumys komıssııasynyń jumysyna qoǵamdyq uıymdardyń ókilderin tartý qajet. Ár faktini muqııat túsiný kerek. Biz bárimiz ata-anamyz jáne ár is pen ár bala úshin alańdaýymyz kerek», - dep atap ótti Jeńis Qasymbek.





Joǵary qaraı