Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kıeli tabıǵat: Aqtóbelik oqýshylar mektep aýlasy men saıabaqqa aǵash otyrǵyzdy

2021 jyldyń 8 mamyr 2021 19:53

AQTÓBE. QazAqparat - Aqtóbelikter «Kıeli tabıǵat» ekologııalyq jobasyna úles qosty. Aýyl balalary saıabaq pen mektep aýlasyna aǵash otyrǵyzdy, dep habarlaıdy QazAqparat tilshisi.

Aqparat jáne qoǵamdyq damý mınıstrliginiń «Kıeli tabıǵat» ekologııalyq jobasyn Aqtóbe oblysyndaǵy «Jas ulan» uıymynyń belsendileri, jastar uıymdarynyń ókilderi, stýdentter, ekovolonterler qoldap, aǵash otyrǵyzýdy josparlady. Búgin jastar jáne volonterlar uıymynyń qatysýmen Temir, Baıǵanın, Mártók aýdandarynda jalpy 100 kóshet egildi. Oǵan 300-den asa jasulandyq qatysyp, qaraǵaı, aqqaıyń men jemis aǵashyn otyrǵyzdy. Ári qaraı da sý quıyp, baptaıdy.
«Jasulandyq belsendi oqýshylar búgin respýblıkalyq aktsııaǵa qatysty. Mártók aýdany, Sarjansaı orta mektebiniń oqýshylary mektep janyndaǵy alańǵa aǵash otyrǵyzdy. Bizge qajetti kóshetti mektep dırektorynyń tárbıe isi jónindegi Gúljanat Іlııas ákelip berdi. Oqýshylar dál osylaı jyl saıyn kógaldandyrý jumysyna qatysady. Eger aǵash óspeı qalsa, qaıta egiledi. Belsendilerimiz jaz boıy kóshettiń kútimin jasaıdy», - dedi mektep tálimgeri Inara Kýlpaıstanova.
Aıta keteıik, buǵan deıin Qazaqstan halqy Assambleıasy, etno-mádenı birlestikter jáne olardyń jastar qanaty ókilderiniń qatysýmen «Taza kólder, ózender jáne bulaqtar» aktsııasy ótti. Onda kól, ózen jáne bulaq tazartý jumysy júrgizildi. Oblystyń Alǵa, Áıteke bı, Qobda aýdandarynda belsendiler atsalysty. Barlyǵy 150-den astam jasulandyq shyǵyp, tazalyq jumystaryn júrgizdi.


















Joǵary qaraı