Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kıev qyzyǵýshylyq tanytsa, qazaqstandyq vaktsınany Ýkraınaǵa jetkizýge daıynbyz – Baqyt Sultanov

2021 jyldyń 19 maýsym 2021 15:32

NUR-SULTAN. QazAqparat – Ýkraınada QR Saýda jáne ıntegratsııa mınıstri Baqyt Sultanovtyń jumys sapary aıasynda Qazaqstan-Ýkraın kelissózderi jalǵasýda, dep habarlaıdy QazAqparat.

Atalmysh sapar aıasynda ótkizilgen kelissózder týraly Saýda jáne ıntegratsııa mınıstri Baqyt Sultanov óziniń Facebook-tegi paraqshasynda jarııalady, dep habarlaıdy QazAqparat.

«Qazaqstannyń múddesin alǵa tarta otyryp, Ýkraına úkimetiniń basshylyǵymen birqatar kezdesýler ótkizdim. Ýkraına Premer-Mınıstri Denıs Shmygal myrzamen ekijaqty ózara is-qımyldyń barlyq ózekti máseleleri boıynsha pikir almastyq.

Qazir barlyq elderdiń aldynda basty mindet tur, ol koronavırýsqa baılanysty jarııalanǵan karantın shekteýlerinen keıingi ózara qarym-qatynasty jalǵastyrý. Bul mindetke qol jetkizýdiń basty joly - halyqty jappaı vaktsınalaý.

Qazaqstan covid-19 koronavırýsyna qarsy óz vaktsınasyn óndiretin sanaýly elderdiń biri bolyp tabylady. Adamnyń adenovırýstyq vektorlary platformasynda jasalǵan bizdiń QazVac vaktsınasy 96% astam tıimdilikke ıe. Kıev qyzyǵýshylyq tanytqan jaǵdaıda bizdiń vaktsınany jetkizýdi qamtamasyz etýge daıynbyz»,-dep jazdy mınıstr.

Sondaı-aq ol QazVac vaktsınasyna jetkizý múmkindigin Ýkraına Densaýlyq saqtaý mınıstrliginiń basshysy Vıktor Lıashkomen kezdesýde de talqylanǵanyn aıtty.

«Ekonomıkalyq belsendilikti qalpyna keltirýmen ózara saýda kólemin ulǵaıtý máselesi erekshe ózekti. Úkimet basshysyn memleketaralyq komıssııa otyrysynyń qorytyndysy boıynsha negizgi ýaǵdalastyqtarmen tanystyrdym. Olardyń barlyǵy ózara saýda aınalymyn arttyrýǵa baǵyttalǵan.





Shmygal myrzamen Ýkrzaliznıtsıa-ǵa qajet etetin temirjol ónimderin jetkizý perspektıvasyn talqyladyq.

Ýkraınalyq kásipkerlerge bizdiń shekaralyq yntymaqtastyq ortalyqtaryn paıdalanýdy usyndym. «Qorǵas» Shekara mańy yntymaqtastyq halyqaralyq ortalyǵy arqyly ýkraındyq óndirýshiler Qytaı naryǵyna shyǵa alady.

Biz úshin agrarlyq-ónerkásiptik keshen salasyndaǵy ýkraınalyq tájirıbe óte mańyzdy, ásirese, ozyq agrotehnologııalar men ınnovatsııalardy engizýde.

IT ındýstrııasy úlken áleýetke ıe. Ýkraına da, Qazaqstan da elektrondyq qyzmetterdi damytý salasynda alǵa qadam basty. Tájirıbe almasý jáne zamanaýı jobalardyń perspektıvasyn Vıtse-premer-mınıstr - tsıfrlyq transformatsııa Mınıstri Mıhaıl Fedorov myrzamen talqyladyq.

Áńgime qyzyqty jáne mazmundy ótti-bizdiń delegatsııa quramynda Kıevke Qazaqstannyń tsıfrlyq damý mınıstrliginiń mamandary jáne IT baǵdarlamalardyń otandyq óndirýshileri qatysqan bolatyn.

Kezdesýde memlekettik qyzmetterdi tsıfrlandyrý basty taqyryp boldy. Biz birlesken jobalar úshin ózara is-qımyldyń perspektıvalyq salalaryn aıqyndaýǵa ýaǵdalastyq»,-dep jazdy Baqt Sultanov.

Onyń sózinshe, Ýkraına tarapyn Qazaqstannyń «Sergek» baǵdarlamasynyń foto/vıdeo bekitý júıesi qyzyqtyrdy. Fedorov myrza tipti ol týraly Ýkraına prezıdentine aıtty.

«Biz mınıstrge basqa da qazaqstandyq tabysty Documentolog, Damumed., BTS t.b. jobalar týraly aıttyq.

Ýkraınalyq IT kompanııalarǵa Qazaqstanda «Astana Hub» bazasynda ınjenerlik keńseni ornalastyrý múmkindigin qarastyrýdy usyndym.

Hrızotıl asbestine oralsaq.

Ýkraınanyń premer-mınıstrimen kezdesýde osy taqyrypty kóterdim. Ekijaqty saraptamalyq konsýltatsııalar ótkizý qajet.

Kıevtegi kelissózder jalǵasýda. Baǵdarlamada ýkraın bıznesiniń ókilderimen kezdesý jáne Qazaqstanǵa «qyzyǵarlyqtaı» ınvestıtsııalardy tartý»,-dep qoryttyq mınıstr.

Osyǵan deıin Baqyt Sultanovtyń Ýkraınanyń birqatar laýazymdy tulǵalarymen kezdeskenin jazdyq.








Joǵary qaraı