Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Kıik atqan brakonerler 700 mln teńge shyǵyn keltirdi

2020 jyldyń 30 qarasha 2020 12:22

NUR-SULTAN. QazAqparat – Batys Qazaqstan oblysynda kıikterdi zańsyz aýlap, múıizderin satýmen aınalysqan eki qylmystyq top ustaldy. Bul týraly QR Іshki ister mınıstrliginiń resmı ókili Nurdildá Oraz aıtyp berdi, dep habarlaıdy QazAqparat tilshisi.

«ІІM Krımınaldyq polıtsııa departamenti Batys Qazaqstan oblysynyń polıtseılerimen birlesip, kıikterdi zańsyz aýlap, múıizderin satýmen aınalysqan eki qylmystyq topty ustady. Bul toptardyń 11 múshesi qylmystyq jaýapqa tartylady. Olar ótken jyldyń qyrkúıek aıynan beri oblys aýmaǵynda brakonerlikpen aınalysqan», - dedi resmı ókil mınıstrlik uıymdastyrǵan brıfıngte .

Tergeý barysynda 700-den astam kıik múıizi, 9 atys qarýy, 7 avtokólik, 2 qarda júretin kólik jáne 2 mototsıkl tárkilengen.

Kıikterdi atý saldarynan ekologııaǵa 700 mln teńgeden astam shyǵyn kelgen.

«Atalǵan faktiler boıynsha sotqa deıingi tergeý amaldary júrip jatyr.

Aıta keteıik, jyl basynan beri ishki organdar tabıǵat qorǵaý zańnamasyn buzǵan 12,5 myń faktini anyqtady. Sotqa deıingi 583 tergeý bastaldy, onyń ishinde 221 qylmystyq is sotqa joldandy. 12 myńǵa jýyq quqyq buzýshy ákimshilik jaýapqa tartyldy», - dedi N. Oraz.

Eske salsaq, BQO-da zańsyz kıik aýlaýmen aınalysqan eki qylmystyq top ustalǵany týraly habarlaǵan bolatynbyz.



Joǵary qaraı