Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kıikterdiń Dúnıejúzilik popýlıatsııasynyń 90% - dan astamy Qazaqstanǵa tıesili

2021 jyldyń 17 mamyr 2021 09:48

NUR-SULTAN. QazAqparat –Qazaqstan aýmaǵyndaǵy kıik mekendeıtin óńirlerde (10 oblys) aǵymdaǵy mamyr aıynyń sońyna deıin jalǵasatyn kıiktiń tóldeý kezeńi bastaldy. Bul týraly QazAqparat Ekologııa mınıstrligine silteme jasap habarlaıdy.

Osyǵan baılanysty, mamyr aıynyń basynan bastap, tóldeý úshin qaýipsiz jaǵdaı jasaý maqsatynda, kıikter jınalatyn jáne qonys aýdaratyn jerlerde kúsheıtilgen reıdter júrgizilýde.

Osy is-árekettiń barlyǵyn baqylaý úshin, QR Ekologııa, geologııa jáne tabıǵı resýrstar mınıstrligi Aqmola oblysynyń Jaqsy aýdanyna baspasóz týryn uıymdastyrdy.
Aktsııa aıasynda, kıikter mekendeıtin (shoǵyrlanǵan) jáne tóldeıtin ýchaskelerde blok-beketter qoıý arqyly qorǵaý is-sharalary kúsheıtildi.
Aktsııaǵa ekologııa mınıstrligi Orman sharýashylyǵy jáne janýarlar dúnıesi komıtetiniń «Ohotzooprom «ÓB» RMQK 200-den astam ınspektory jumyldyryldy.
Aıta ketý kerek, kıikterdiń Dúnıejúzilik popýlıatsııasynyń 90% - dan astamy Qazaqstanǵa tıesili.
Munda kıikterdiń Betpaqdala, Oral jáne Ústirt sekildi 3 popýlıatsııasy mekendeıdi.
Aıdyń basynan bastap qolaıly aýa raıyna baılanysty kıiktiń tóldeýi turaqty kúıde ótedi, alańdaýshylyq faktorlary baıqalmaıdy.
2019 jylǵy esep boıynsha janýarlardyń sany 334 400 basty qurady:
Betpaqdala popýlıatsııasy - 111 500 basty,
Oral popýlıatsııasy - 217 000 basty,
Ústirt popýlıatsııasy - 5 900 basty.
2020 jyly pandemııaǵa baılanysty esep júrgizilgen joq. Qazirgi ýaqytta, esep qaıta jańartyldy, onyń nátıjeleri aǵymdaǵy jyldyń sońynda alynady.
Esterińizge sala keteıik, osy janýarlardyń sanyn arttyrý jáne saqtaý úshin mınıstrlik ǵylymı maqsatta paıdalanýdan basqa, Qazaqstannyń barlyq aýmaǵynda kıikterdi, olardyń bólikteri men derıvattaryn paıdalanýǵa 2023 jylǵa deıin tyıym saldy.
Sondaı-aq, osy maqsatta QR Qylmystyq kodeksinde kıikterge brakonerlik jasaǵany úshin, tipti 12 jylǵa deıingi merzimge bas bostandyǵynan aıyrýǵa jáne múlkin tárkileýge deıingi jazalaý sharalary qatańdatyldy.


Joǵary qaraı