Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QMDB qyzmetkerleriniń 95% koronavırýsqa qarsy egildi

2021 jyldyń 4 tamyz 2021 22:08

NUR-SULTAN. QazAqparat – Qazaqstan musylmandary dinı basqarmasy qyzmetkerleriniń 95% koronavırýsqa qarsy vaktsına saldyrdy, dep habarlaıdy QazAqparat.

Málim etilgendeı, QMDB qyzmetkerleri indetke qarsy ekpeni óz erkimen alǵan.

«Qazaqstan musylmandary dinı basqarmasy vaktsına salýdy qoldaıdy. Óıtkeni Islam dininde densaýlyq – eń úlken qundylyq. Vaktsına – ǵylymnyń jetistigi desek, Islam ǵylymdy qoldaıdy. Dáriger mamandar koronavırýs indetimen kúresýdiń birden-bir joly vaktsına ekenin aıtyp otyr. Al Islam dininde adamnyń ómiri men densaýlyǵy árqashan birinshi orynda turady. Soǵan oraı QMDB tóraǵasy, Bas múftı Naýryzbaı qajy Taǵanulynan bastap Dinı basqarma qyzmetkerleri indetke qarsy vaktsına saldyrdy. Onyń ishinde otandyq QazVac vaktsınasyn men de saldyrdym», - deıdi QMDB Tóraǵasynyń orynbasary, naıb múftı Ershat qajy Ońǵar.

E.Ońǵardyń aıtýynsha, vaktsınatsııa eń aldymen, óz qaýipsizdigimiz úshin qajet.

«Odan keıin otbasymyzdyń, úshinshiden, qoǵamnyń qaýipsizdigi. Mańaıymyzdaǵy áriptesterimiz, aǵaıyn-týma, dos-jarandardyń indetke shaldyqpaýy úshin ekpe alýdyń mańyzy zor. Qasıetti Quranda da Alla Taǵala «Óz-ózderińdi qaýip-qaterge salmańdar!» dep eskertken. Endeshe qazaq elin dárigerlerdiń, ǵalymdardyń aıtqanyna qulaq asyp, ózimiz jáne jaqyndarymyzdyń, elimizdiń amandyǵy úshin vaktsına alýǵa shaqyramyn», - dedi naıb múftı.


Joǵary qaraı