Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qoǵamdaǵy kitaphananyń róli týraly halyqaralyq konferentsııa ótedi

2021 jyldyń 20 qyrkúıek 2021 13:12

NUR-SULTAN. QazAqparat - 21 qyrkúıek kúni, saǵat 14.00-de Nur-Sultan qalasyndaǵy Qazaqstan Respýblıkasynyń Ulttyq akademııalyq kitaphanasynda «Qazirgi álemdegi qoǵamnyń mádenı-tarıhı murasyn saqtaýdaǵy kitaphananyń róli» halyqaralyq konferentsııasy ótedi.

Іs-sharany Qazaqstan Respýblıkasynyń Tuńǵysh Prezıdenti – Elbasy kitaphanasy men Qazaqstan Respýblıkasynyń Ulttyq akademııalyq kitaphanasy uıymdastyrady.

Konferentsııa ǵalymdar men qoǵam qaıratkerleriniń, prezıdenttik, ulttyq jáne basqa da iri kitaphanalardyń dırektorlary men sala mamandarynyń basyn qosar aqparattyq, ǵylymı-mádenı alań bolmaq. Іs-sharada búgingi qoǵamnyń tarıhı-mádenı murasyn saqtaýdaǵy kitaphanalardyń róli, patrıotızm men azamattyqty tárbıeleýdegi gýmanıstik mıssııasy ortaǵa salynbaq.

Konferentsııa barysynda tsıfrlandyrý dáýirindegi kitaphanany damytý máseleleri qozǵalyp, jańa jahandyq mindetter qoıylady. Qatysýshylar aqparattyq qyzmettiń tıimdi formalaryn qoldanýdyń tájirıbesimen almasady.

Talqylaýǵa Elbasy kitaphanasynyń dırektory B.B. Temirbolat, Reseı memlekettik kitaphanasynyń bas dırektory V.V. Dýda, M.I. Rýdomıno atyndaǵy Shetel ádebıeti kitaphanasynyń bas dırektory P.L. Kýzmın, B.N. Eltsın atyndaǵy prezıdenttik kitaphananyń aqparattyq resýrstar dırektory E.D. Jabko, Túrkııa Syrtqy baılanystar departamenti fılıalynyń basshysy Tokaı Ebrý, Qazaqstan, AQSh, Reseı, Japonııa, Birikken Arab Ámirlikteri, Egıpet Islam Respýblıkasy, Túrkııa, Germanııa, Chehııa, Slovakııa, Koreıa kitaphanalarynyń dırektorlary, otandyq jáne sheteldik mádenıet qaıratkerleri, jazýshylar, aqyndar jáne t.b. qatysady.

Halyqaralyq konferentsııanyń onlaın-translıatsııasy ZOOM platformasynda ótedi. Translıatsııaǵa qatysty suraqtaryńyz bolsa, myna nómirlerdi terýge bolady: 8 778 917 51 56, 8 708 383 20 90.
Basty sózder: Qoǵam,
Joǵary qaraı