Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qoǵamdyq baqylaý týraly Zań turǵyndardyń memleket isterin basqarýǵa qatysýyn qamtamasyz etedi

2021 jyldyń 6 jeltoqsan 2021 01:28

NUR-SULTAN. Qazaqparat – Qoǵamdyq baqylaý týraly Zań azamattardyń memleket isterin basqarýǵa qatysýyn qamtamasyz etedi. Bul týraly QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet aıtty, dep habarlaıdy QazAqparat.

«Memleket Basshysynyń Joldaýyn iske asyrý jónindegi Jalpyulttyq is-sharalar josparynyń 117-tarmaǵyn oryndaý aıasynda Aqparat jáne qoǵamdyq damý mınıstrligi «Qoǵamdyq baqylaý týraly» zań jobasyn jáne onlaın-petıtsııa ınstıtýtyn engizý jónindegi normalardy qamtıtyn «Qazaqstan Respýblıkasynyń keıbir zańnamalyq aktilerine qoǵamdyq baqylaý máseleleri boıynsha ózgerister men tolyqtyrýlar engizý týraly» ilespe zań jobasyn ázirledi. Mınıstrlik Qazaqstandaǵy halyqaralyq tájirıbeni jáne qoǵamdyq baqylaýdyń qoldanystaǵy praktıkasyn taldady. Qoǵamdy zań jobasyn ázirleýge keńinen tartý úshin ulttyq qoǵamdyq senim keńesiniń múshelerinen, sarapshylardan, qoǵamdyq keńesterdiń, ÚEU men memlekettik organdardyń ókilderinen turatyn jumys toby quryldy», – dedi M. Qojahmet.

Onyń aıtýynsha, azamattyq qoǵam ókilderiniń zań jobalaryn ázirleýdegi qoǵamdyq mańyzdylyǵy men qyzyǵýshylyǵyn eskere otyryp, mınıstrlik sarapshylar qaýymy arasynda belsendi qoǵamdyq pikirtalas pen talqylaýlar uıymdastyrdy. 600-den astam azamattyq qoǵam ókilderiniń qatysýymen 30-ǵa jýyq jarııa talqylaý ótken.

«Qoǵamnyń, sarapshylardyń jáne memlekettik organdardyń pikirin eskere otyryp, zań jobasy ázirlendi, ol Qazaqstan Respýblıkasynda qoǵamdyq baqylaýdy uıymdastyrý men júzege asyrýǵa baılanysty qoǵamdyq qatynastardy retteýge baǵyttalǵan. Zań jobasynyń negizgi maqsaty – azamattardyń memleket isterin basqarýǵa qatysýyn qamtamasyz etý», – dep atap ótti M. Qojahmet.

Komıtet tóraǵasynyń aıtýynsha, zań jobasynda qoǵamdyq baqylaý, obektiler men sýbektiler, qoǵamdyq baqylaý formalary, qoǵamdyq baqylaýdy júzege asyrý kezindegi múddeler qaqtyǵysy uǵymdary aıqyndalǵan. Sondaı-aq, zań jobasynda qoǵamdyq baqylaý sýbektileri men obektileri, sondaı-aq olardyń quqyqtary men mindetteri aıqyndalady, qoǵamdyq baqylaý nysandary bekitiledi, qoǵamdyq baqylaýdy júzege asyrýǵa qatysý sharttary jáne qoǵamdyq baqylaý nátıjelerin qaraý jónindegi normalar retteledi.

Qazirgi ýaqytta QR Úkimetiniń 2021 jylǵa arnalǵan zań jobalaý jumystarynyń josparyna sáıkes, zań jobalary QR Parlamenti Májilisiniń qaraýyna engizildi. Zań jobalaryn odan ári talqylaý Májilis reglamentine sáıkes júrgiziledi.


Joǵary qaraı