Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qoǵamdyq kólik aqysyn tólemegen astanalyqtarǵa 12 mln teńge aıyppul salynǵan

2022 jyldyń 7 sáýir 2022 13:04

NUR-SULTAN. QazAqparat – Elordada qoǵamdyq kólik aqysyn tólemeýdiń 32 myńnan astam faktisi tirkelip, turǵyndarǵa 12 mln teńgeden astam aıyppul salyndy, dep habarlaıdy QazAqparat tilshisi.

«Kóliktik baqylaý departamentiniń qyzmetkerleri kún saıyn bıletsiz jolaýshylardy anyqtaý boıynsha reıdter júrgizedi. Ózderińiz biletindeı, keıbir azamattar kólik jolaqysyn tek KBD qyzmetkerlerin kórgen kezde ǵana tóleıdi. Máselen, bıyl jyl bastalǵaly kóliktik baqylaý departamentiniń qyzmetkerleri jol júrý aqysyn tóleýden jaltarýdyń 32 252 faktisin anyqtady», - deıdi CTS (City Transportation Systems) JShS-niń baspasóz qyzmetinen.

Habarlamada aıtylǵandaı búginde 2080 jolaýshy QR ÁQBtK-niń 622-babynyń 2-bóligi boıynsha 12 mln teńgeden astam somaǵa ákimshilik jaýapqa tartyldy.

«Sáýir aıynyń birinshi kúni ǵana bizdiń qyzmetkerler polıtsııamen birge 374 jolaýshyny ákimshilik jaýapqa tartty», - dep tolyqtyrdy atalǵan vedomstvodan.

Osy oraıda qalalyq qoǵamdyq kólik qozǵalysyna jaýapty CTS kompanııasy elorda jurtynan jol aqysyn ýaqytyly tóleýdi suraıdy.

Aıta keteıik, elorda avtobýstarynda jol aqysy qolma-qol aqshasyz tólenedi. ıAǵnı arnaıy kólik kartasy nemese QR kod arqyly.

Buǵan deıin atalǵan vedomstvo qoǵamdyq kólik baǵasyna qatysty habar taratqan edi.

Sondaı-aq, Nur-Sultan qalasynda joldardyń nashar bolýyna baılanysty birneshe avtobýs baǵytyn ózgertti.



Avtor Álı Ibraev
Basty sózder: Qoǵam, Kólik, Nur-Sultan, Aıyppul,
Joǵary qaraı