Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda 154 kásipkerlik nysany «Ashyq» mobıldik qosymshasyna tirkelgen

2021 jyldyń 9 maýsym 2021 16:59

KÓKShETAÝ. QazAqparat - Kókshetaýda 154 kásipkerlik nysany «Ashyq» mobıldik qosymshasyna tirkelgen, onyń kópshiligi meıramhanalar men dámhanalar. Bul týraly Kókshetaý qalalyq kásipkerlik bóliminiń basshysy Andreı Podgýrskıı málim etti, dep habarlaıdy QazAqparat tilshisi.

Onyń aıtýynsha, qazirgi tańda «Ashyq» mobıldik qosymshasyna tirkelý úshin taǵy 200-den astam ótinish qaralyp jatyr. «Ashyq» jobasy kásipkerlik nysandardyń qaıta jandanýyna múmkindik beredi. Qosymshany engizýdiń negizgi maqsaty – koronavırýs juqtyrǵan nemese onymen baılanysta bolǵan adamdardyń qoǵamdyq oryndarǵa barýynyń aldyn alý, karantın kezinde azamattardyń indet juqtyrý qaýpinsiz shaǵyn jáne orta bıznes jumysyn qalpyna keltirý.

Óńir «qyzyl» aımaqqa ótip ketse, onda «Ashyq» jobasyna qatysýshy kásipkerler «sary» aımaqtyń sharttarymen jumys jasaı alady. Al eger «sary» aımaqta bolǵan jaǵdaıda joba qatysýshylary «jasyl» aımaqtyń sharttarymen jumys jasaıdy. Osy rette, qalada kásipkerlik sýbektilerine «Ashyq» jobasynyń tıimdiligin túsindirý jumystary júrgizilýde.

«Pandemııa ekonomıkanyń barlyq salasyna da salqynyn tıgizdi. Máselen, oblys ortalyǵynda karantın engizilgennen keıin kóptegen kásipkerler zardap shekti. Degenmen, «Ashyq» jobasy qolǵa alynǵannan beri birqatar kásipkerlik nysandar oǵan qatysyp, sanıtarlyq talaptardy saqtaı otyryp óz jumysyn qaıta jalǵastyrýda. Osy rette, Kókshetaýda 154 kásipkerlik nysany «Ashyq» mobıldik qosymshasyna tirkelgen bolsa, taǵy 200-den astam ótinish qaralyp jatyr. Qazirgi kezde, jergilikti kásipkerlerdiń osy jobaǵa qatysýy úshin «Atameken» óńirlik kásipkerler palatasymen birlesip, túsindirý jumystaryn júrgizip jatyrmyz», - deıdi Kókshetaý qalalyq kásipkerlik bóliminiń basshysy Andreı Podgýrskıı.


Joǵary qaraı