Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda «Abylaı hannyń qara joly» respýblıkalyq konferentsııasy ótti

2020 jyldyń 22 qarasha 2020 01:20

KÓKShETAÝ. QazAqparat – Kókshetaýda «Rýhanı jańǵyrý» óńirlik jobalyq keńsesi jáne Maǵjan Jumbaev atyndaǵy Aqmola oblystyq ámbebep ǵylymı kitaphananyń uıymdastyrýymen «Abylaı hannyń qara joly» respýblıkalyq ǵylymı – tájirıbelik konferentsııasy ótti, dep habarlaıdy QazAqparat tilshisi.

Oblystyq ishki sasat basqarmasynyń málimetinshe, onlaın konferentsııaǵa elimizdiń tanymal ǵalymdary, tarıhshylary, saıasattanýshylary, zertteýshileri, zııaly qaýym ókilderi, ekspedıtsııa qatysýshylary jáne BAQ ókilderi qatysty.

Sharany L.Gýmılev atyndaǵy Eýrazııa ulttyq ýnıversıtetiniń professory, tarıh ǵylymdarynyń doktory Jambyl Artyqbaev júrgizip otyrdy. Qatysýshylarǵa aımaq basshysy Ermek Marjyqpaevtyń ystyq sálemin jetkizgen oblystyq ishki saıasat basqarmasynyń basshysy Altynaı Ámirenova konferentsııa jumysyna sáttilik tiledi.

«Abylaı hannyń qara joly» ekspedıtsııasynyń basty maqsaty, QR Tuńǵysh Prezıdenti – Elbasy N.Nazarbaevtyń «Bolashaqqa baǵdar: qoǵamdyq sanany jańǵyrtý» baǵdarlamalyq maqalasynda alǵa qoıǵan mindetterdi júzege asyrý», - dedi Altynaı Ámirenova.

Qazaq halqynyń tarıhynda Abylaı hannyń alatyn orny erekshe. Abylaı han qazaq memlekettiligin ornatyp, táýelsizdigin saqtaý jolynda óziniń dıplomatııalyq, saıası-qoǵamdyq qyzmetin júrgizdi.

Osy rette, L.Gýmılev atyndaǵy Eýrazııa ulttyq ýnıversıtetiniń fılıologııa fakýltetiniń dotsenti Serik Negımov, tarıh ǵylymdarynyń doktory Zarqyn Taıshybaı, Memleket tarıhy ınstıtýtynyń dırektory Búrkitbaı Aıaǵan, belgili Abylaıtanýshy Ǵızzat Tabýldın sóz alyp, óz oılarymen bólisti.

2018 jáne 2020 jyldary eki ret uıymdastyrylǵan «Abylaı hannyń qara joly» ekspedıtsııasy Kókshetaýdan bastaý alyp, túrki halqynyń rýhanı ordasy Túrkistan qalasynda máresine jetti.

Ekspedıtsııa barysynda onyń músheleri jol boıyndaǵy aýyldarǵa soǵyp, ańyz-áńgimeler jınap, sapar barysynda kezdesken tarıhı oryndardy belgilep, qaǵazǵa túsirgen.

«Rýhanı jańǵyrý» óńirlik jobalyq keńsesiniń málimetinshe, bıylǵy jyly atalmysh ekspedıtsııanyń qorytyndysy boıynsha «Abylaı hannyń qara joly» jınaǵy jaryq kórdi.


Avtor Aslan Ospanov
Basty sózder: Aqmola oblysy, Ǵylym,
Joǵary qaraı