Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda eki balanyń anasy joǵalyp ketti

2021 jyldyń 24 qarasha 2021 12:55

KÓKShETAÝ. QazAqparat - Kókshetaýda eki balanyń anasy 28 jastaǵy áıelge izdeý jarııalandy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, 22 qarashada Kókshetaý qalalyq PB kezekshi bólimine oblys ortalyǵynyń 53 jastaǵy turǵyny habarlasyp, 1993 jylǵy qyzy Ásel Qappasqyzy Ahmedjanovany tabý úshin kómek surady.

Anasynyń sózinshe, qyzy 19 qarashada saǵat 00:00 shamasynda balalaryn úıde qaldyryp, ózi belgisiz baǵytta ketip qalǵan.

«Qazirgi kezde izdestirý sharalaryna Kókshetaý qalalyq PB-niń jeke quramy jumyldyryldy. Habar-osharsyz ketken áıel boıynsha tolyq baǵdar Aqmola oblysy PD barlyq bólimshelerine joldandy», - dedi vedomstvodan.

Joǵalǵan áıel, 1993 jyly týǵan, kámeletke tolmaǵan eki balasy bar, nekede turmaıdy. Boıy 160-165 sm, dene bitimi tolyqsha, shashy ıyqtan tómen, erni qalyń, tik muryndy. Ústine qara tústi kýrtka, qara shápki, sur trıko, ashyq qońyr tústi krossovka kıgen.

Osy rette, polıtsııa qyzmetkerleri joǵalǵan áıel týraly qandaıda bir málimeti bar adamdar bolsa, dereý 8(7162) 29-96-00 telefony nemese 102 jelisi boıynsha habarlasýdy suraıdy.


Avtor Aslan Ospanov
Basty sózder: Oqıǵa, Aqmola oblysy,
Joǵary qaraı