Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda erli-zaıypty qarııalardy asa qatygezdikpen óltirgen qaraqshy 25 jylǵa sottaldy

2020 jyldyń 25 qarasha 2020 20:52

KÓKShETAÝ. QazAqparat - Kókshetaýda erli-zaıypty qarııalardy asa qatygezdikpen óltirgen kúdiktige qatysty sot úkimi shyqty, dep habarlaıdy QazAqparat.

Aqmola oblystyq sotynyń baspasóz qyzmetinen málim etkendeı, Aqmola oblysynyń qylmystyq ister jónindegi mamandandyrylǵan aýdanaralyq sotynyń úkimimen kúdikti Vadım Dostov 25 jylǵa sottaldy.

«Sot úkimimen ol Qylmystyq kodekstiń 191, 24, 188, 192, 99 jáne 287-baptary boıynsha kináli dep tanyldy. Endi ol aldaǵy 25 jylyn qaýipsizdigi tótenshe qylmystyq atqarý júıesi mekemesinde ótkizetin bolady. Vadım Dostovtyń árketinde qylmystardyń qaıtalaný qaýpi bar dep tanyldy. Sonymen birge, odan zardap shekken tarapqa 20 mıllıon teńge somasynda moraldyq ótemaqy óndirilip alyndy», - dedi Aqmola oblystyq sotynyń baspasóz qyzmetindegiler.

Sot úkimi kúshine engen joq.

Eske sala keteıik, bıylǵy jyldyń sáýir aıynda Kókshetaý qalasynda erli-zaıypty qarııalardy óz páterinde belgisiz bireý asa qatygezdikpen óltirip, tonap ketken edi. Polıtsııa kóp uzamaı kúdiktini ustaǵan bolatyn.


Joǵary qaraı