Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kókshetaýda esirtki zattaryn jasyrýmen aınalysqan qyzylordalyq ustaldy

2022 jyldyń 18 mamyr 2022 14:46

KÓKShETAÝ. QazAqparat - Kókshetaýda sıntetıkalyq esirtki zattaryn jasyrýmen aınalysqan Qyzylorda qalasynyń 22 jastaǵy turǵyny ustaldy, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, kúdikti 14 mamyr kúni Qopa kóliniń jaǵasynda qolǵa tústi.

«Kókshetaýda sıntetıkalyq esirtki zattaryn jasyrýmen aınalysqan Qyzylorda qalasynyń 22 jastaǵy turǵyny ustaldy. Kúdiktini tintý kezinde odan aq tústi untaq tárizdi 50 polıetılen býmaǵa salynǵan sıntetıkalyq esirtki zaty «pıraleron» tárkilendi. Tabylǵan zattyń salmaǵy shamamen 40 gramdy quraıdy», - dedi vedomstvodan.

Sonymen birge, polıtsııa qyzmetkerleri kúdiktiniń uıaly telefony arqyly esirtki zattaryn salatyn oryndardyń geolokatsııasyn kórsete otyryp, fotoesepter júrgizgenin anyqtady.

«Osyǵan baılanysty Qylmystyq kodekstiń 296-baby 4-bóligi boıynsha sotqa deıingi tergeý amaldary júrgizilýde. Tárkilengen zattar saraptamaǵa jiberildi. Belgili bolǵandaı, kúdikti Aqmola oblysyna birneshe aı buryn Qyzylorda qalasynan kelgen. Ol esh jerde jumys istemeıdi jáne oqymaıdy», - dep tolyqtyrdy vedomstvodan.

Aıta ketsek, Qosshyda jalǵa alǵan úıinde esirtki ósirip kelgen Reseı azamaty ustaldy.



Avtor Aslan Ospanov
Basty sózder: Aqmola oblysy, Esirtkimen kúres,
Joǵary qaraı