Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda turǵyn úılerge jylý qyrkúıektiń 25-nen bastap beriletin boldy

2021 jyldyń 20 qyrkúıek 2021 17:43

KÓKShETAÝ. QazAqparat - Kókshetaýda turǵyn úılerge jylý qyrkúıektiń 25-nen bastap beriletin boldy.

Bul týraly óńirlik kommýnıkatsııalar qyzmetinde Kókshetaý qalasy ákiminiń orynbasary Baýyrjan Ernazarov, «Kókshetaý sý arnasy» kommýnaldyq kásipornynyń dırektory Ermek Ómirǵalıev, «Kókshetaý jylý» kommýnaldyq kásiporny dırektorynyń mindetin atqarýshy Rýslan Maqyshevtyń qatysýymen ótken brıfıngte aıtyldy, dep habarlaıdy QazAqparat tilshisi.

Kókshetaý qalasy ákiminiń orynbasary Baýyrjan Ernazarovtyń aıtýynsha, aǵymdaǵy jyldyń 17 qyrkúıeginde Kókshetaý qalasyna Sergeev sý qoımasyn sýmen jabdyqtaý jumystary qalpyna keltirildi. Búgingi tańda qalany sýmen jabdyqtaý eki kózden júzege asyrylady, bul Shaǵalaly sý qoımasy, táýliktik sý jınaý 24 650 myń tekshe metrdi quraıdy. Sonymen birge, Sergeev sý qoımasynan sý jınaıtyn Kókshetaý toptyq sý qubyrynan 5 650 tekshe metr, jalpy táýliktik tutyný táýligine 300 myń tekshe metrdi quraıdy. Qazirgi ýaqytta Sergeev sý qoımasynan 20 myń tekshe metr eki rezervýardyń birine keletin sý jınaý jumystary jalǵasýda.

Jylytý maýsymyna qatysty «Kókshetaý jylý» kommýnaldyq kásiporny dırektorynyń mindetin atqarýshy Rýslan Maqyshev túsindirip berdi.

Onyń aıtýynsha, 2021 jylǵy 17 qyrkúıekte Kókshetaý qalasynyń ákimi jylý berý maýsymynyń bastalýy týraly №78R ókimdi qabyldady. Qabyldanǵan ókimge sáıkes jylý berý maýsymy aǵymdaǵy jyldyń 22 qyrkúıeginde bastalady. Birinshi kezekte áleýmettik nysandar – mektepter, mektepke deıingi mekemeler, oqý oryndary, emdeý-aldyn alý mekemeleri, balalar úıleri men múgedekter úıleri jylý energııasymen qamtamasyz etiledi.

Al 25-shi qyrkúıekten bastap turǵyn úı qory, memlekettik-ákimshilik ǵımarattar jáne basqa da jylý energııasyn tutynatyn nysandarǵa qosylady. Temirbekov kóshesiniń boıynda Sh.Qudaıberdıev kóshesinen A.Áshimovke deıingi jylý magıstrali qaıta jóndelýde. Jaqynda ǵana barlyq qurylys-montaj jumystary aıaqtalýy tıis. Jalpy, qala jylytý maýsymyna daıyn.


Avtor Aslan Ospanov
Basty sózder: Energetıka, Aqmola oblysy,
Joǵary qaraı