Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýdyń aınalma jolyn ortasha jóndeý jumystary aıaqtaldy

2020 jyldyń 7 tamyz 2020 17:54

KÓKShETAÝ. QazAqparat - Elimizde joldardy ortasha jóndeýden ótkizýge qatysty jobalardy júzege asyrý jalǵasýda, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń resmı saıtyna silteme jasap.

Kólik basqarýshylar respýblıkalyq mańyzy bar joldardy neǵurlym erterek paıdalana alýy úshin mamandar tıisti jumystardy sapaly ári belgilengen merzimnen buryn oryndaýǵa tyrysyp jatyr.

Osylaısha Aqmola oblysynda jolshylar áýejaıǵa kirý joly (0-1+500 shaqyrym) bar «Kókshetaý qalasynyń aınalma jolyn» R-14 (0-1+960 shaqyrym) ortasha jóndeýden ótkizý jumystaryn aıaqtady. Merdiger kompanııa – «Kókshetaý joldary» JShS resaıklıngileý jáne asfalt-beton qospasynan jasalǵan jol jabyndysyn tóseý jumystaryn oryndady. Sondaı-aq, mamandar joldy tańbalap, joldyń qozǵalys bóliginiń eksplýatatsııalyq sıpattamasyn qalpyna keltirdi. Jol jabyndysynyń joǵary qabatyn tóseý kezinde jolshylardyń beriktigi joǵary qıyrshyq tasty-mastıkalyq asfalt-betondy qoldanǵandyǵyn aıta ketý kerek. Nysandaǵy jóndeý jumystary belgilengen merzimnen úsh aıǵa erte aıaqtaldy. Jóndeýden ótken jol ýchaskelerinde qozǵalys ta ashyq.

Eske salaıyq, bıyl Qazaqstandaǵy respýblıkalyq mańyzy bar joldardyń 1,1 myń shaqyrymy jóndeýden ótpek.


Joǵary qaraı