Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýlyq kásipker aýtızmi bar balalarǵa arnalǵan sport zalyn jóndep berdi

2021 jyldyń 25 qyrkúıek 2021 23:29

KÓKShETAÝ. QazAqparat – Kókshetaýlyq kásipker aýtızm dertine shaldyqqan balalarǵa arnalǵan sport zalyn jóndep berdi, dep habarlaıdy QazAqparat tilshisi.

Aqmola oblysy Dene shynyqtyrý jáne sport basqarmasy baspasóz qyzmetiniń málimetinshe, bıylǵy jyldyń sáýir aıynda múmkindigi shekteýli jandardyń «Mergen» sport klýbynda oılaý qabileti nashar balalarǵa arnalǵan bólimshe ashyldy. Oǵan «Erekshe ómir» qoǵamdyq qorynyń balalary barady. Kúrdeli jóndeýdi kórmegen mundaǵy sport zaly balalardyń sportpen shuǵyldanýyna kedergi bolǵan. Osynaý ıgi isti týǵan ólkege nemquraıly qaramaıtyn kásipker Artem Sınelnıkov júzege asyrǵan. Ol «erekshe» balalarǵa kómektesýge sheshim qabyldap, sport zalyn adam tanymastaı ózgertken.

«Bizdiń qalamyzda, oblysta osyndaı balalar úshin jaıly orta qurý mańyzdy. Bizdiń kásiporynnyń osyndaı ıgi iske úlesi qosqany meni qýantyp otyr. Osymen toqtap qalmaı, aldaǵy ýaqytta taǵy kómektese beretin bolamyz», - dep atap ótti A.Sınelnıkov.

Oılaý qabileti nashar balanyń anasy, «Erekshe ómir» qoǵamdyq qorynyń jetekshisi Álııa Raqymbekovanyń aıtýynsha, uıym 2018 jyly qurylǵan, onda eki jastan 13 jasqa deıingi balalarmen logopedter, defektologtar jáne psıhologtar jumys isteıdi.

«Sportzaldaǵy jóndeý jumystary óte sapaly atqaryldy, metsenat pen onyń ujymyna adal eńbekteri úshin shynaıy alǵysymdy bildiremin. Balalardyń jattyǵýy úshin barlyq jaǵdaı jasalǵan. Sportzaldyń ishi jaryqtanyp, keńeıdi. Endigi arada biz jeke sabaqtar úshin qajetti sporttyq qural-jabdyqtardy satyp alýdy, sondaı-aq úlkeıgen balalardy ońaltýdy josparlap otyrmyz», - dedi Á.Raqymbekova.


Joǵary qaraı