Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qoldanystaǵy vaktsınalar koronavırýstyń jańa shtamdarynan 75 paıyz qorǵaıdy - QR DSM

2022 jyldyń 18 mamyr 2022 12:16

NUR-SULTAN. QazAqparat – QR Densaýlyq saqtaý mınıstrligi elde qoldanylyp júrgen vaktsınalardyń COVID-19 ınfektsııasynyń eń sońǵy shtamdarymen qanshalyqty tıimdi kúresetinin aıtty, dep habarlaıdy QazAqparat tilshisi.

«Koronvaıýrsqa qarsy ázirlengen vaktsınalar sońǵy úlgidegi ekpe bolyp sanalady. Sondyqtan óndirýshilerdiń bári koronavırýs ınfektsııasynyń jańa shtamy paıda bolǵan saıyn monıtorıng júrgizip, óz ekpesiniń onymen qanshalyqty tıimdi kúresetinin baqylap otyrady. ıAǵnı, vırýstyń jańa mýtatsııalary paıda bolǵan saıyn ekpeniń tıimdiligi týraly málimetter jańartylyp otyrady», - dep jazdy Densaýlyq saqtaý mınıstrliginiń baspasóz qyzmeti QazAqparattyń saýalyna joldaǵan jaýabynda.

Vedomstvonyń málimeti boıynsha, vaktsına arqyly qalyptasqan ımmýnıtet ýaqyt óte kele álsireýi múmkin. Bul kezde adamnyń vırýs juqtyrý yqtımaldyǵy qaıta joǵarylaıdy.

«Osyǵan baılanysty koronavırýsqa qarsy ekpeni vaktsıantsııanyń alǵashqy kýrsyn tolyq aıaqtaǵan soń 6 aıdan keıin alý usynylyp otyr. Amerıkalyq ǵalymdardyń zertteý derekteri boıynsha, mRNQ tehnologııasy boıynsha jasalǵan vaktsınalardyń koronavıýrstyń kez kelgen formasymen kúresý tıimdiligi 70-75 paıyz mólsherinde. Vaktsına aǵzada jańa shtamdardyń týyndaýyna da kedergi bolady», - dep jazylǵan mınıstrliktiń jaýabynda.

Buǵan deıin jazǵanymyzdaı, Qazaqstanda revaktsınatsııa úshin Pfizer ekpesiniń 500 myńnan astam dozasy satyp alynady.



Joǵary qaraı