Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kóleńkeli ekonomıkaǵa qarsy is-qımyl jónindegi is-sharalar jospary ózektendiriledi

2021 jyldyń 8 qyrkúıek 2021 12:58

NUR-SULTAN. QazAqparat – Kóleńkeli ekonomıkaǵa qarsy is-qımyl jónindegi is-sharalar jospary ózektendiriledi. Bul týraly QR QM Memlekettik kirister komıteti tóraǵasynyń orynbasary Jaıdar Іńkárbaev aıtty, dep habarlaıdy QazAqparat tilshisi.

«Memleket basshysynyń Joldaýda bıýdjet kirisin ulǵaıtý boıynsha bergen tapsyrmasyn oryndaý úshin aýqymdy jumystar júrgizilýde. Atap aıtqanda, shaǵyn jáne orta bıznestiń josyqsyz sýbektilerin kóleńkeden shyǵarý, qolma-qol aqshasyz aınalymdardy ákimshilendirý jáne fıskaldyq zańnamany saqtaý baǵyttary kúsheıtiledi. Bul rette protsesterdi tsıfrlandyrýǵa basty nazar aýdarylýda», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, kóleńkeli ekonomıkanyń úlesin 2025 jylǵa deıin 40 paıyzǵa tómendetý úshin QR Qarjylyq monıtorıng agenttigimen birlesip, ekonomıkanyń barlyq salalary men baǵyttar boıynsha Kóleńkeli ekonomıkaǵa qarsy is-qımyl jónindegi is-sharalar josparyn ózektendirý jóninde jumystar júrgizilýde.

«Ult josparynyń 42-qadamyn oryndaý úshin 2021 jylǵy 1 qańtardan bastap jalpyǵa birdeı deklaratsııalaý kezeń-kezeńimen engizildi. Jalpyǵa birdeı deklaratsııalaýǵa kóshý kóleńkeli aınalymdy, sybaılas jemqorlyq deńgeıin tómendetedi jáne memlekettik bıýdjetke qosymsha túsimderdi qamtamasyz etedi. Halyqaralyq málimetterdi elektrondy túrde almasý aıasynda biz kópjaqty konventsııaǵa qol qoıdyq. QR azamattarynyń qarjylyq shottary boıynsha 100-den astam ıýrısdıktsııada aqparat almasýdy bastaýdy josparlap otyrmyz. Búgingi kúni deklaratsııany 476 myń adam nemese jalpyǵa birdeı deklaratsııalaýdyń birinshi kezeńiniń 99 paıyzy usyndy. Ótinish berýdiń eń tanymal tásili e-Salyq Azamat mobıldi qosymshasy bolyp otyr. Onyń kómegimen deklaratsııanyń 52 paıyzy usynyldy», - dedi Jaıdar Іńkárbaev.


Joǵary qaraı