Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kólginov LRT qurylysy týraly: Jospar – jobany aıaqtaý

2021 jyldyń 15 qazan 2021 13:41

NUR-SULTAN. QazAqparat – Bankterdiń biri LRT qurylysyn jalǵastyrý úshin kelisimin berdi. Bul týraly elorda máslıhatynyń kezekten tys sessııasynda qala ákimi Altaı Kólginov aıtty, dep habarlaıdy QazAqparat tilshisi.

Sessııa jumysynda LRT qurylysy máselesi kóterildi. Osy oraıda aıaqtalmaǵan qurylys nysandary qala men áýejaıǵa baratyn joldyń kórkin buzyp turǵany aıtyldy.

«LRT máselesi birazdan beri talqylanyp keledi. Onyń problemasy qaıdan paıda boldy? Birinshiden, ekinshi deńgeıli bank bankrotqa ushyraǵan kezde sol jerde qarajat buǵattalyp qaldy. Ekinshiden, osy máselede zań buzýshylyq boldy. Úshinshiden, qazir eń negizgi másele – ol qarjylandyrý. Bul jobaǵa qomaqty qarajat kerek. Osyǵan deıin birshama jumystar atqarylǵanyn bilesizder, ornatylǵan ınjenerlik qurylystar qalanyń sánin keltirmeı turǵany ras. Biraq bastalǵan jumys aıaqtalýy kerek», - dedi A. Kólginov.

Onyń aıtýynsha, bir jyldan astam ýaqyt boıy ákimdik banktermen tıisti talqylaýlar júrgizdi.

«Bul jobany iske asyrýǵa bankter qosylýǵa qaýqarsyz bolyp tur. Sondyqtan mınıstrlikpen birge konkýrs jarııaladyq. Qazirgi kezde tıisti bank óziniń kelisimin berip jatyr, ony aldaǵy ýaqytta qosymsha habarlaımyz. ıAǵnı olar kelisimshartqa qol qoıǵanan keıin aıtamyz. Jospar – jobany aıaqtaý. Qazir áýejaı jaqta bir shaqyrymnan astam balkalar ornatyldy», - dedi qala ákimi.

Buǵan deıin LRT qurylysyn aıaqtaýǵa qansha qarajat qarastyrylýda ekeni aıtyldy.

Jazda LRT qurylysynyń alańynda qurylys-montajdaý jumystaryna daıyndyq bastaldy.

Daýly másele boıynsha Memleket basshysy Qasym-Jomart Toqaev Nur-Sultan qalasynyń ákimdiginde LRT qurylysy isin tergeýdi jedeldetýdi tapsyrǵan bolatyn.

Іsti tergeý 2020 jyldyń basynda aıaqtaldy. Tergeý kezinde 10-nan astam adamnyń jaýapkershiligi tekserildi. Іs sotqa 2020 jyldyń 2 qazanynda joldandy.

Sybaılas jemqorlyqqa qarsy is-qımyl agenttigi 2-departamentiniń basshysy Sergeı Perov osy iske qatysty kúdikti dep tanylǵan Talǵat Ardan men Qanat Sultanbekovtiń qaıda júrgeni týraly aqparat bar ekenin málimdegen edi. Keıin Astana LRT isi boıynsha úkimniń kúshi joıylyp, is prokýrorǵa qaıtaryldy.



Joǵary qaraı