Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kólik polıtseıleri dástúrli emes ıslamdy nasıhattaıtyn aýdıo dáristerdi tárkiledi

2021 jyldyń 13 shilde 2021 03:09

NUR-SULTAN. QazAqparat – Kólik polıtseıleri temirjol qyzmetkeriniń dástúrli emes ıslam ıdeıalaryn jarııalaıtyn aýdıo dáristerdi tárkiledi, dep habarlaıdy QazAqparat tilshisi.

Bul týraly kóliktegi polıtsııa departamentiniń baspasóz qyzmeti málimet taratyp otyr.

«Kólik polıtseıleri «VKontakte» áleýmettik jelisine monıtorıng júrgizý kezinde temir jol uıymdarynyń birinde jumys isteıtin 1984 jylǵy azamattan áleýmettik jelide dástúrli emes ıslam ıdeıalaryn nasıhattaǵan aýdıo dáristerdi saqtaý faktisin anyqtady. Teksere kelip, polıtseıler atalǵan azamattyń destrýktıvti dinı aǵym ustanýshysy ekendigin anyqtady», - deıdi Kóliktegi polıtsııa departamentiniń ekstremızmge qarsy is-qımyl basqarmasynyń bastyǵy Erlan Álimov.

Dintaný saraptamasynyń qorytyndysy boıynsha aýdıojazbanyń Qazaqstan Respýblıkasynyń aýmaǵynda tyıym salynǵany rastaldy. Al ony áleýmettik jelidegi paraqshasynda saqtap kelgen azamatqa Almaty oblysy Alakól aýdandyq sotynyń sheshimimen, Ákimshilik quqyq býuzy týraly kodekstiń 453-babynyń 3-bóligi boıynsha 100 AEK kóleminde, ıaǵnı 291 700 teńge aıyppul salyndy.


Joǵary qaraı