Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kólik prokýrorlary Almatyda júkti zańsyz teksergenderdi anyqtady

2021 jyldyń 14 shilde 2021 13:30

ALMATY. QazAqparat - Kólik prokýrorlary Almatyda júkti zańsyz tekserýdiń aldyn aldy, dep habarlaıdy QazAqparat tilshisi.

QR Bas kólik prokýratýrasynyń málimetinshe, Jetisý kólik prokýratýrasynyń mobıldi tobyna kásipkerden Naýryzbaı aýdany boıynsha Memlekettik kirister basqarmasynyń qyzmetkerleri onyń júgin zańsyz ustaǵany týraly aqparat tústi.

Tekserý barysynda laýazymdy tulǵalar júk tasýshyny tekserý júrgizý úshin negizsiz toqtatqany rastaldy.

Atalǵan áreketimen laýazymdy tulǵalar Memleket basshysynyń shaǵyn kásipkerlik sýbektileriniń qyzmetine tekserýler, profılaktıkalyq baqylaý jáne qadaǵalaý júrgizýge tyıym salýyn elemegen.

Prokýratýranyń aralasýynan keıin kásipker óz jolyn jalǵastyrdy, al kináli laýazymdy tulǵalar tártiptik jaýapqa tartyldy.

Árbir kásipker kólik prokýratýrasy organdaryna tómendegi telefondar arqyly habarlasyp, baqylaýshy memlekettik organdar áreketteriniń zańdylyǵyna baǵa berýdi talap etýge quqyly: 8 7172 712251; 8 7172 301910; 8 707 411 0000.


Avtor Alma Muqanova
Basty sózder: Kólik, Jol, Prokýratýra, Almaty, Zań,
Joǵary qaraı