Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kólikte qyz zorlaǵan: Aqtaý turǵynynyń ústinen qylmystyq is qozǵaldy

2021 jyldyń 27 qazan 2021 12:14

AQTAÝ. QazAqparat - Aqtaýda avtokólikte qyz zorlaý oqıǵasy boıynsha qylmystyq is qozǵaldy, dep habarlaıdy QazAqparat.

Bul jaıynda «Nemolchı» qozǵalysynyń áleýmettik jelidegi jazbasynan málim boldy.

Onda Aqtaýda turatyn boıjetkendi tanysy máshınede zorlaǵany jaıly aıtylǵan.

«Ol qyz pák bolatyn. Keshe polıtsııaǵa aryz berildi, biraq áli kúnge deıin tergeýshi belgili emes, jábirlenýshiniń kıimin de alǵan joq. Polıtseıler kúdiktini ustamady, oqıǵa orny da qaralǵan joq, kólikti aıyp turaǵyna qoımady, tipti saraptama da taǵaıyndaǵan joq» dep jazylǵan málimette.

Osyǵan qatysty Mańǵystaý oblystyq polıtsııa departamenti túsinikteme berdi.

«2021 jyly 26 qazanda Aqtaý qalasy polıtsııa basqarmasyna qyz bala tanysynyń onyń erkinen tys jynystyq qatynasqa túskeni týraly jazbasha aryz jazǵan. Atalǵan derek boıynsha QR QK 120-baby 1-bóligi boıynsha qylmystyq is qozǵaldy. Sot-medıtsınalyq saraptama taǵaıyndaldy. Tergeý amaldary júrip jatyr» dep málim etti polıtsııa departamentiniń baspasóz qyzmeti.


Joǵary qaraı